Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

ଜେଲ୍‌ରେ ବନ୍ଦୀ ଥାଇ କରୋନା ମୁକାବିଲା ପାଇଁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ଡାକ୍ତର : ପଢ଼ନ୍ତୁ କ’ଣ ଲେଖିଛନ୍ତି ସେ

27/03/2020 at 12:31 PM

ଲକ୍ଷ୍ନୌ ୨୭/୩: କରୋନା ଭାଇରସ୍ ସଂକ୍ରମଣରୁ ବର୍ତ୍ତିବା ପାଇଁ ଦେଶର ପାଖାପାଖି ସମସ୍ତ ନାଗରିକ ଲକଡାଉନ୍ ହୋଇସାରିଛନ୍ତି। ଅନ୍ୟପଟେ ମଥୁରା ଜିଲ୍ଲା ଜେଲରେ ବନ୍ଦୀ ଥିବା ଉତ୍ତରପ୍ରଦେଶ ସରକାରଙ୍କଠୁ ନିଲମ୍ବିତ ଶିଶୁ ରୋଗ ବିଶେଷଜ୍ଞ ଡାକ୍ତର କଫିଲ ଖାନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛନ୍ତି।  ଏହି ଚିଠିରେ ଡା. କଫିଲ ଖାନ୍ ପ୍ରଧାନମନ୍ତ୍ରୀ ମୋଦିଙ୍କୁ ଅନୁରୋଧ କରିଛନ୍ତି ଯେ ଭାରତୀୟଙ୍କୁ କରୋନା ଭଳି ମହାମାରୀଠୁ ବଞ୍ଚାଇବା ପାଇଁ  Corona Stage-3 ବିରୋଧରେ ଏକ ରୋଡ ମ୍ୟାପ୍ ବିଷୟରେ କହିଛନ୍ତି।

ସେ ପ୍ରଧାନମନ୍ତ୍ରୀ ମୋଦିଙ୍କୁ ଚିଠିରେ ଲେଖିଛନ୍ତି,‘ ୨୦ବର୍ଷ ଅନୁଭବ ଆଧାରରେ Corona Stage-3 ବିରୋଧରେ କିପରି ଲଢ଼ାଯାଇପାରିବ,ଏହାର ରୋଡ ମ୍ୟାପ୍ ଆପଣଙ୍କୁ ଦେବାକୁ ଚାହୁଁଛି। ଯାହା ଫଳରେ ଏହି ମହାମାରୀ ବ୍ୟାପିବାରେ ଅଙ୍କୁଶ ଲଗାଯାଇପାରିବ।’

ଏହା ପୂର୍ବରୁ ୟୁପି ସ୍ପେଶାଲ ଟାସ୍କ ଫୋର୍ସ କଫିଲ ଖାନଙ୍କୁ ମୁମ୍ବାଇ ଏୟାରପୋର୍ଟରୁ ଜାନୁୟାରୀ ୨୯ତାରିଖରେ ଗିରଫ କରିଥିଲା। ସଂଶୋଧିତ ନାଗରିକତା ଆଇନ୍ ବିରୋଧରେ ଅଲିଗଡ଼ ମୁସଲିମ୍ ବିଶ୍ବବିଦ୍ୟାଳୟରେ ବିବାଦୀୟ ଭାଷଣ ଦେଇଥିବା ଅଭିଯୋଗରେ ମଥୁରା ଜିଲ୍ଲା ଜେଲରେ ବନ୍ଦୀ ଥିବା ଡା.କଫିଲ ଖାନଙ୍କ ମୁକ୍ତ ହେବା ପୂର୍ବରୁ ରାଷ୍ଟ୍ରୀୟ ସୁରକ୍ଷା ଆଇନ୍ ଲଗା ଦିଆଯାଇଥିଲା।

ଏଏମୟୁରେ ସିଏଏ ବିରୋଧୀ ପ୍ରଦର୍ଶନ ସମୟରେ ଗତ ବର୍ଷ ହିସେମ୍ବର ୧୨ତାରିଖରେ ବିବାଦୀୟ ଭାଷଣ ଦେବା ଅଭିଯୋଗରେ ଡାକ୍ତର କଫିଲଙ୍କ ବିରୋଧରେ ଅଲିଗଢ଼ର ସିଭିଲ୍ ଲାଇନ୍ ଥାନାରେ ମାମଲା ରୁଜୁ କରାଯାଇଥିଲା।

ଡା.କଫିଲ ଖାନଙ୍କୁ ୨୦୧୭ମସିହା ଅଗଷ୍ଟ ମାସରେ ଗୋରଖପୁର ମେଡିକାଲ୍ କଲେଜରେ ଅକ୍ସିଜେନ ଅଭାବ ଯୋଗୁଁ ୬୦ଜଣ ଶିଶୁଙ୍କ ମୃତ୍ୟୁ ହୋଇଥିବା ମାମଲାରେ ଗିରଫ କରାଯାଇଥିଲା। ପାଖାପାଖି ୨ବର୍ଷ ପରେ ଯାଞ୍ଚ ପରେ ତାଙ୍କୁ ମୁକ୍ତ କରି ଦିଆଯାଇଥିଲା ।

   Related Posts