ବୈପାରୀଗୁଡା ୧୩।୧୧: ସୁକନାଳ ହତ୍ୟା ଘଟଣାର ପର୍ଦ୍ଦାଫାଶ କଲା ବୈପାରୀଗୁଡା ପୋଲିସ l ହତ୍ୟାର ୨୪ ଘଣ୍ଟା ମଧ୍ୟରେ ମୁଖ୍ୟ ଅଭିଯୁକ୍ତଙ୍କୁ ହାଇଦ୍ରାବାଦରୁ ଗିରଫ କରିଛି ପୋଲିସ l ଗିରଫ ଅଭିଯୁକ୍ତ ଜଣଙ୍କ ବୈପାରୀଗୁଡା ବ୍ଲକ ଦୋରାଗୁଡା ଗାଁର ଧୋବା ଖରା ବୋଲି ଜଣାପଡିଛି l
ସୋମବାର କୋରାପୁଟ ଜିଲ୍ଲା ବୈପାରୀଗୁଡା ଥାନାରେ ଜୟପୁର ଏସଡିପିଓ ହରିଶ ବିସି ସାମ୍ବାଦିକ ସମ୍ମିଳନୀ କରି ଏହି ସୂଚନା ଦେଇଛନ୍ତି l ମୃତ ମହିଳା ଜଣଙ୍କ ଭାଗ୍ୟ ଗୁରାମି । ସେ ମାଲକାନଗିରିର କୁରୁସୁୱାଡା ଗ୍ରାମରେ ନିଜ ସ୍ୱାମୀଙ୍କ ସହ ରହୁଥିଲେ l କିନ୍ତୁ ଭାଗ୍ୟଙ୍କ ସହିତ ଅଭିଯୁକ୍ତ ତଥା ଧୋବା ଖରାର ପ୍ରେମ ସମ୍ପର୍କ ରହିଥିଲା l ଭାଗ୍ୟ ଧୋବା ଖରାଙ୍କୁ ବିବାହ କରିବା ପାଇଁ ବାଧ୍ୟ କରୁଥିଲେ l ହେଲେ ପ୍ରେମିକର ବୟସ ଠାରୁ ପ୍ରେମିକାଙ୍କ ବୟସ ଅଧିକ ଯୋଗୁଁ ପ୍ରେମିକ ତଥା ଧୋବା ଖରା ଭାଗ୍ୟଙ୍କ ଠାରୁ ଦୂରେଇ ଯିବା ପାଇଁ ଚେଷ୍ଟା କରିଥିଲେ l ଆଉ ଉପାୟ ନପାଇ ଏଭଳି ହତ୍ୟାକାଣ୍ଡ ଘଟାଇଥିବା ଜଣାପଡିଛି l ମହିଳାଙ୍କୁ ବୁଲିବାକୁ ଯିବାକୁ କହି ବାଇକରେ ଡାକି ନେଇଥିଲା ଧୋବା l ଆଉ ସୁକନାଳ ପୋଲ ତଳେ ପ୍ରେମିକାଙ୍କ ଗଳାକାଟି ଫିଙ୍ଗିଦେଇ ଅଭିଯୁକ୍ତ ଫେରାର ଥିଲା l ବୈପାରୀଗୁଡା ପୋଲିସ ହତ୍ୟା ମାମଲା ରୁଜୁ କରି ହତ୍ୟାକାରୀକୁ ଖୋଜୁଥିଲା l ସିସିଟିଭି ଫୁଟେଜ୍ ଆଧାରରେ ପୋଲସ ମୁଖ୍ୟ ଅଭିଯୁକ୍ତଙ୍କୁ ଚିହ୍ନଟ କରିବା ସହ ଅଭିଯୁକ୍ତକୁ ହାଇଦ୍ରାବାଦରୁ ଗିରଫ କରିଛି l
You Can Read :
wp:embed {"url":"https://www.prameyanews7.com/5-houses-burnt-down-in-fire-at-chandikhole/","type":"wp-embed","providerNameSlug":"prameya-news-7"}
