ବରଗଡ଼ ଜିଲ୍ଲା ସୋହେଲା ଥାନା ଅନ୍ତର୍ଗତ କେନ୍ଦୁମୁଣ୍ଡି ଗ୍ରାମ ନିକଟରେ ଏକ ମହୁଲ ଗଛରେ ଦୁଇଜଣ ପ୍ରେମୀଯୁଗଳ ଙ୍କ ମୃତ ଦେହ ଝୁଲନ୍ତା ଅବସ୍ଥା ରେ ପୋଲିସ ଉଦ୍ଧାର କରିଛି । ସୋହେଲା ଥାନା ଅନ୍ତର୍ଗତ ଗ୍ରୀଞ୍ଜେଲ ଗ୍ରାମର ଗଣେଶ ସେଠ ନାମକ ଜଣେ ୨୦ ବର୍ଷୀୟ ଟ୍ରାକ୍ଟର ଚାଳକ ସେହି ଗ୍ରାମର ମେହେର ପଡାର ଜଣେ ବିବାହିତା ମହିଳାଙ୍କୁ ଭଲ ପାଉଥିଲେ । ତେବେ ଆଜି ସକାଳୁ ଗ୍ରାମ ଠାରୁ ୨ କିଲୋମିଟର ଦୂର କେନ୍ଦୁମୁଣ୍ଡି ରାସ୍ତାର ମହୁଲ ଗଛରେ ଗୋଟିଏ ଶାଢ଼ୀରେ ଉଭୟ ଆତ୍ମହତ୍ୟା କରିଥିବା ଦେଖିବାକୁ ମିଳିଛି । ମହିଳାଙ୍କ ଗୋଟିଏ ୪ ବର୍ଷର ପୁଅ ଓ ଗୋଟିଏ ୨ ବର୍ଷର ଝିଅ ଅଛି ।ସୋହେଲା ପୋଲିସ ମୃତଦେହ ଗୁଡିକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣା ର ତଦନ୍ତ ଜାରି ରଖିଛି ।