କଟକ୨୬।୦୩: ପ୍ରଥମ ଥର ପାଇଁ ଓଡ଼ିଆରେ  ଇଣ୍ଡିଆନ୍‌ ପ୍ରିମିୟର ଲିଗ୍‌ର କମେଣ୍ଟ୍ରି ହେବ । ପ୍ରସାରଣ  ଦାୟିତ୍ୱ ନେଇଥିବା ସଂସ୍ଥା  ପକ୍ଷରୁ ଏଭଳି ବ୍ୟବସ୍ଥା  କରାଯାଇଛି । ମୋବାଇଲ  ଆପ୍‌ରେ  ଓଡ଼ିଆ କ୍ରିକେଟପ୍ରେମୀ  ଏହାର ମଜା ନେଇ  ପାରିବେ । ମ୍ୟାଚ୍‌  ଆରମ୍ଭ ପୂର୍ବରୁ କ୍ରିକେଟ  ବିଶାରଦମାନଙ୍କୁ ନେଇ  ଏକ କାର୍ଯ୍ୟକ୍ରମ ହେବ ।  ଯାହାକୁ ପରିଚାଳନା କରିବେ କଟକର ଝିଅ  ଲୋରିଆ ମହାନ୍ତି ।

ବିଡ଼ାନାସୀ ଅଞ୍ଚଳର ଲୋରିଆ  ସୋମବାର ମୁମ୍ୱାଇ ଅଭିମୁଖେ ଯାତ୍ରା କରିବେ । ପ୍ରକାଶ ଯୋଗ୍ୟ, ଟେଲିଭିଜନ ଦୁନିଆରେ ଲୋରିଆ  ଜଣେ ପରିଚିତ ଚେହେରା । ଘୋଷକ ଭାବେ ୧୦ବର୍ଷରୁ  ଅଧିକ ଦିନର ଅଭିଜ୍ଞତା ରହିଛି । ପିତା ଗୋପୀନାଥ  ମହାନ୍ତି ଓ ମା’ ମୀରାରାଣୀ ମହାନ୍ତିଙ୍କ ଝିଅ ଲୋରିଆଙ୍କୁ  ଆଇପିଏଲରେ କାର୍ଯ୍ୟକ୍ରମ ସଂଯୋଜନା କରିବା ନିମନ୍ତେ  ଚୟନ କରାଯାଇଛି । ମନୋରଞ୍ଜନ ଦୁନିଆରେ ଦୀର୍ଘବର୍ଷ ହେବ  ସେ ମଞ୍ଚ ପରିଚାଳନା କରୁଛନ୍ତି। ‘କ୍ରିକେଟ ମହାକୁମ୍ଭରେ  ବିଶେଷଜ୍ଞମାନଙ୍କୁ ନେଇ କାର୍ଯ୍ୟକ୍ରମ ପରିଚାଳନା କରିବା  ନିଶ୍ଚିତ ଭାବେ ଚ୍ୟାଲେଞ୍ଜିଂ ରହିବ ବୋଲି ସେ କହିଛନ୍ତି