ଭୁବନେଶ୍ୱର ୩୧/୦୫: ରାଜଧାନୀରେ ମାତିଲେ ଲୁଟେରା । ବିଳମ୍ୱିତ ରାତିରେ ଘର ଝରକା ଭାଙ୍ଗି ପଶିଲେ, ଘରେ କଳାକନା ବୁଲାଇଲେ । ଭୁବନେଶ୍ୱର ଲକ୍ଷ୍ମୀସାଗର ଥାନା ଅଧିନ କେନାଲ ରାସ୍ତାରେ ସିରିଜ ଲୁଟ୍ । କେନାଲ୍ ରୋଡରେ ଥିବା ମିହିର ସାମଲଙ୍କ ଘରୁ ଲୁଟି ନେଇଛନ୍ତି ଦୁର୍ବୃତ୍ତ ।

ସୂଚନା ଥାଉକି, ବିଳମ୍ୱିତ ରାତିରେ ଦୁର୍ବୃତ୍ତମାନେ ପଶି ପ୍ରାୟ ୨ଶହ ଗ୍ରାମର ସୁନା ଗହଣା ଓ ଟଙ୍କା ଲୁଟି ନେଇଛନ୍ତି ଲୁଟେରା । ତେବେ ଏହି ଲୁଟେରାମାନେ ମିହିରଙ୍କ ପଡୋଶୀ ଘରେ ମଧ୍ୟ ଲୁଟିଥିବା ସୂଚନା । ମଙ୍ଗଳବାର ଭୋରରୁ ଘଟିଛି ଏହି ଘଟଣା । ଘଟଣା ସ୍ଥଳରେ କମିଶନରେଟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ତେବେ ଏହି ଲୁଟ୍‌ର ଦୃଶ୍ୟ ସବୁ କଏଦ ହୋଇଛି ସିସିଟିଭିରେ । ସିସିଟିଭିରେ ଚୋରୀ କରୁଥିବା ଦୃଶ୍ୟ ସବୁ ନଜର ଆସିଛି । ପୋଲିସ ସିସିଟିଭି ଆଧାରରେ ଆରମ୍ଭ କରିଛି ତନାଘନା ।