କୋରାପୁଟ ୦୬।୦୨ : କୋରାପୁଟ ପୋଲିସକୁ ସଫଳତା । ଲୁଟେରା ଗ୍ୟାଙ୍ଗକୁ ଗିରଫ କଲା କୋରାପୁଟ ପୋଲିସ । ନଗଦ ଟଙ୍କା ସହ ବାଇକ୍‌, ମୋବାଇଲ୍‌, ପାସ୍‌ ବୁକ୍‌ ଜବତ  ହୋଇଛି ।

ଖବର ଅନୁଯାୟୀ, ଦିନ ଦ୍ୱିପ୍ରହରରେ କୋରାପୁଟ ମୁଖ୍ୟ ଟ୍ରାଫିକ ଛକରୁ ମହିଳାଙ୍କ ଠାରୁ ୩ଲକ୍ଷ ଟଙ୍କା ଝାମ୍ପି ନେଇଥିଲେ । କୋରାପୁଟ ଏସପିଙ୍କ ନେତୃତ୍ୱରେ ଏକ ସ୍ଵତନ୍ତ୍ର ଟିମ ଗଠନ କରି ଘଟଣାର ତଦନ୍ତ କରି ମିଳିଛି ସଫଳତା। ଆନ୍ତ ଜିଲ୍ଲା ଲୁଟେରା ଗ୍ୟାଙ୍ଗର ୩ ଜଣକୁ ଗିରଫ କରିଛି କୋରାପୁଟ ଟାଉନ୍ ପୋଲିସ । ଗଞ୍ଜାମ ଜିଲ୍ଲାର ଆସିକା ଥାନା ଅଞ୍ଚଳର ବାସିନ୍ଦା ୩ ଜଣକୁ ଗିରଫ କରିଛି କୋରାପୁଟ ଟାଉନ ପୋଲିସ ।

ମାଲକାନଗିରି ଜିଲ୍ଲାରୁ ଏ ଅର୍ଜୁନକୁ ଗିରଫ କରିବାପରେ ଅନ୍ୟ ଦୁଇ ଜଣକୁ ଦାମନଯୋଡି ମାଥାଲପୁଟରୁ ଗିରଫ କରିଛି ପୋଲିସ । ଲୁଟ ହୋଇଥିବା ୩ଲକ୍ଷ ମଧ୍ୟରୁ  ୧,୭୦,୫୪୬ ଟଙ୍କା  ଜବତ କରିଛି । ଏହାସହ ଦୁଇଟି ହୋଣ୍ଡା ସାଇନ ବାଇକ, ତିନୋଟି ମୋବାଇଲ, ଦୁଇଟି ପାସ୍ ବୁକ ସହ ପାନ୍ କାର୍ଡ ସହ ଆଧାର କାର୍ଡ ଜବତ କରାଯାଇଛି । ଘଟଣାରେ ଅନ୍ୟ ଜଣେ ଆସାମୀକୁ ଖୁବ୍ ଶୀଘ୍ର ଗିରଫ କରାଯିବ କହିଛନ୍ତି ଏସପି।

ପ୍ରାଥମିକ ତଦନ୍ତରୁ ଜଣାପଡିଛି ଉକ୍ତ ଆସାମୀ ଅବିଭକ୍ତ କୋରାପୁଟ ଜିଲ୍ଲା ସହ ଗଞ୍ଜାମ ଓ ଗଜପତି ଜିଲ୍ଲାରେ ବିଭିନ୍ନ ଅଞ୍ଚଳ ବୁଲି ଏହିଭଳି ଭାବରେ ଲୁଟତରାଜ କରିଆସୁଛନ୍ତି। ଏମାନଙ୍କ ନାମରେ ବିଭିନ୍ନ ଥାନାରେ ମାମଲା ମଧ୍ୟ ରହିଥିବା ସୂଚନା ଦେଇଛନ୍ତି ଏସପି।