ବ୍ରହ୍ମପୁର,୩୧/୧୦:ବ୍ରହ୍ମପୁର ବଡବଜାର ଥାନା ଅନ୍ତର୍ଗତ  ବିନୋଦ ଜୁଏଲର୍ସରୁ ସୁନା ଅଳଙ୍କାର ଚୋରି ହୋଇଥିବା ଅଭିଯୋଗ ହୋଇଛି । ଦୋକାନର ଛାତ କଣା କରି ଲକ୍ଷାଧିକ ଟଙ୍କାର ସୁନା ଅଳଙ୍କାର ଚୋରି ହୋଇଥିବା ସୂଚନା ମିଳିଛି ।

ଦୋକାନର ଷ୍ଟ୍ରଙ୍ଗ୍ ରୁମରୁ ଦୁର୍ବୃତ୍ତମାନେ ଅଳଙ୍କାର ଚୋରି କରି ନେଇଛନ୍ତି । ତେବେ ଦୁଇ କିଲୋ ସୁନା ଅଳଙ୍କାର ଚୋରି ହୋଇଥିବା ଦୋକାନ ମାଲିକ ଅଭିଯୋଗ କରିଛନ୍ତି । ଏହି ଅଳଙ୍କାରର ମୂଲ୍ୟ ପ୍ରାୟ କୋଟିଏ ଟଙ୍କା ହେବ ବୋଲି ଅନୁମାନ କରାଯାଉଛି ।

ଅଭିଯୋଗ ପରେ ଘଟଣାସ୍ଥଳରେ ପୋଲିସ୍ ପହଞ୍ଚି ଘଟଣାର ତଦନ୍ତ କରୁଛି । ସିସି ଫୁଟେଜ୍ ଆଧାରରେ ପୋଲିସ୍  ତଦନ୍ତ କରୁଥିବା ବେଳେ ଆଗକୁ ସମସ୍ତ ରହସ୍ୟ ଉପରୁ ପରଦା ହଟିବ ବୋଲି ବଡବଜାର ଥାନା ଅଧିକାରୀ ପ୍ରଶାନ୍ତ ଭୂପତି କହିଛନ୍ତି ।