ବଡବିଲ ୧୭।୫: ଟ୍ରାନ୍ସପୋର୍ଟ କର୍ମଚାରୀଙ୍କ ବାଇକ୍ ଡିକି ଭାଙ୍ଗି ୫୦ ହଜାର ଟଙ୍କା ଲୁଟ୍ । କେନ୍ଦୁଝର ଜିଲ୍ଲା ଯୋଡ଼ା ବସଷ୍ଟାଣ୍ଡ ନିକଟରୁ ଏହି ଲୁଟ୍ ହୋଇଥିବା ନେଇ ଅଭିଯୋଗ ହୋଇଛି । କୋଣାର୍କ ଲଜିଷ୍ଟିକ୍ର କର୍ମଚାରୀ ଉତ୍ତମ କୁମାର ପୁହାଣ ଏନେଇ ଅଭିଯୋଗ କରିଛନ୍ତି ।
{"id":787795,"width":739,"height":406,"sizeSlug":"full","linkDestination":"none"}![](https://www.prameyanews7.com/wp-content/uploads/2023/05/vlcsnap-2023-05-17-13h53m54s855.png)
ଅଭିଯୋଗ ଅନୁସାରେ, ସେ ବ୍ୟାଙ୍କ ଅଫ୍ ଇଣ୍ଡିଆ ଶାଖାରୁ ଲକ୍ଷେ ଟଙ୍କା ଉଠାଇ ନିଜ ପ୍ୟାଣ୍ଟ୍ ପ୍ୟାକେଟରେ ୫୦ ହଜାର ଓ ବାଇକ୍ ଡିକିରେ ୫୦ ହଜାର ଟଙ୍କା ରଖି ବସ୍ଷ୍ଟାଣ୍ଡ ନିକଟକୁ ଆସିଥିଲେ । ସେଠାରେ ସେ ବାଇକ୍ ରଖି ଏକ ଦୋକାନରୁ ଫଳ କିଣିବାକୁ ଯାଇଥିଲେ । ତେବେ ଫଳ କିଣି ଫେରିବା ବେଳକୁ କେହି ଦୁର୍ବୃତ୍ତ ତାଙ୍କ ବାଇକ୍ ଡିକି ଭାଙ୍ଗି ୫୦ ହଜାର ଟଙ୍କା ନେଇଯାଇଥିବା ଜାଣିବାକୁ ପାଇଥିଲେ । ଏନେଇ ସଙ୍ଗେ ସଙ୍ଗେ ଯୋଡ଼ା ପୋଲିସକୁ ଖବର ଦିଆଯିବା ପରେ ଯୋଡ଼ା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।