ସାଲେପୁର ଥାନା ନିକଟରୁ ଲୁଟ୍ ; ଲକ୍ଷାଧିକ ଟଙ୍କାର ଅଳଙ୍କାର ସହ ନଗଦ ଟଙ୍କା ଲୁଟି ନେଲେ ଦୁର୍ବୃତ୍ତ
Published By : Prameya-News7 Bureau | November 12, 2018 IST
କଟକ ୧୨|୧୧: ସାଲେପୁର ଥାନା ନିକଟରୁ ବ୍ୟାଙ୍କ ମ୍ୟାନେଜରଙ୍କ ଘରୁ ଲୁଟ୍ ହୋଇଛି । ଲକ୍ଷାଧିକ ଟଙ୍କାର ସୁନା, ରୂପା ସହ ନଗଦ ଟଙ୍କା ଲୁଟ୍ ହୋଇଥିବା ଅଭିଯୋଗ ହୋଇଛି । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ କଟକ ଜିଲ୍ଲା ସାଲେପୁର ଥାନାରୁ ୧୦୦ମିଟର ଦୂରରୁ ଲୁଟ୍ ହୋଇଛି । ଥିବା ବ୍ୟାଙ୍କ ମ୍ୟାନେଜର ପ୍ରମୋଦ ପଣ୍ଡାଙ୍କ ଘରୁ ଲୁଟ୍ କରିଛନ୍ତି ଦୁର୍ବୃତ୍ତ । ଗତକାଲି ବିଳମ୍ବିତ ରାତିରେ ପ୍ରମୋଦ ଘରେ ନଥିବାର ସୁଯୋଗ ନେଇ ଦୁର୍ବୃତ୍ତମାନେ କବାଟ ତାଲା ଭାଙ୍ଗି ଘରେ ପସିଥିଲେ। ଘର ଭିତରେ ଥିବା ଆଲମାରୀ ଭାଙ୍ଗି ସୁନା ଓ ରୂପା ଅଳଙ୍କାର ସହ ନଗଦ ଟଙ୍କା ଲୁଟି ନେଇଥିବା ଜଣାପଡ଼ିଛି। ଘଟଣାସ୍ଥଳରେ ସାଲେପୁର ପୋଲିସ ପହଞ୍ଚି ତଦନ୍ତ ଚଳାଇଛି।