ଟିଟିଲାଗଡ଼ ୧୩।୧୦ : ମାତିଛନ୍ତି ଲୁଟେରା । ଆଖିପିଛୁଲାକେ ସବୁ ଗାଏବ କରିଦେଉଛନ୍ତି । କେହିନଥିବାର ସୁଯୋଗ ନେଇ ଘରେ କଳାକନା ବୁଲାଇଦେଇଛନ୍ତି ଲୁଟେରା । ପୋଲିସରେ ଅଭିଯୋଗ ପରେ ଖୋଳତାଡ଼ ଆରମ୍ଭ ।
ଖବର ଅନୁଯାୟୀ, ବିଳମ୍ବିତ ରାତିରେ ଟିଟିଲାଗଡ଼ ସହର ମଝିରେ ଥିବା ସ୍ୱାଧୀନପଡ଼ାର ହନୁମାନ ଜୈନଙ୍କ ଘରେ କେହି ନଥିବାର ସୁଯୋଗ ନେଇ କଳାକନା ବୁଲାଇ ଦେଇଛନ୍ତି ଲୁଟେରା । ଶ୍ରୀଯୁକ୍ତ ଜୈନଙ୍କ ସ୍ତ୍ରୀ କ୍ୟାନ୍ସରରେ ପିଡିତ । ତେଣୁ ତାଙ୍କ ଚିକିତ୍ସା ପାଇଁ ପୁରା ପରିବାର କଟକ ଯାଇଥିଲା । ଏହାର ସୁଯୋଗ ନେଇ ଦୁର୍ବୁତ୍ତମାନେ ମୁଖ୍ୟ ଗେଟ୍ର ତାଲା ଭାଙ୍ଗି ଘରେ ପଶି ସୁନା ଓ ରୂପା ଲୁଟି ନେଇଥିବା ଅଭିଯୋଗ ହୋଇଛି । ଲୁଟ୍ ସଂପର୍କରେ ଖବର ପାଇ ଟିଟିଲାଗଡ଼ ପୋଲିସ ଘଟଣାସ୍ଥଳରେ ତଦନ୍ତ ଜାରି ରଖି୍ଛି । ଏପିରିକି ଘରେ ଲାଗିଥିବା ସିସିଟିଭି କ୍ୟାମେରାର ଏକ ହାର୍ଡଡିକ୍ସକୁ ମଧ୍ୟ ଜବତ କରିଛି ପୋଲିସ ।
