ରାଉରକେଲା ୦୯।୧୧: ପୋଷ୍ଟ ଅଫିସରୁ ଚୋରି । ରାଉକଲୋ ସେକ୍ଟର-୧୯ରେ ଥିବା ଉପ-ଡାକଘରୁ ଚୋରି ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ପୋଷ୍ଟ ଅଫିସରେ ତାଲା ଭାଙ୍ଗି ପଶିଥିଲେ ଚୋର । ପାଖାପାଖି ୫୦ ହଜାର ଟଙ୍କା ଚୋରି ହୋଇଛି । ସେହିପରି ଲକର ଭାଙ୍ଗିବାରେ ବିଫଳ ହୋଇଛନ୍ତି ଚୋର । ଯାହାଫଳରେ କି ବଡ଼ଧରଣର ଚୋରିରୁ ରକ୍ଷା ମିଳିଛି । ଲକରରେ ପ୍ରାୟ ୧୦ ଲକ୍ଷ ଟଙ୍କା ରହିଥିଲା ବୋଲି ସୂଚନା ରହିଛି । ସେପଟେ ଲୁଟ୍ ସଂପର୍କରେ ଖବର ପାଇ ପୋଲିସ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
