ଭଦ୍ରକ ୨୭।୦୫ : ଏ ଅଟୋ ଡ୍ରାଇଭର ସାରେ ଡାକୁଛନ୍ତି । କଣ ଶୁଭୁନି ଏଇଠି ଠିଆ ହୋଇଥାଏ । ମାଡ଼ାମ ଆପଣ କାହିଁକି ସୁନା ପିନ୍ଧିକି ଆସିଛନ୍ତି ଖୋଲନ୍ତୁ ଆଉ ରଖିଦିଅନ୍ତୁ । ଏଭଳି କହି ଲୁଟି ଚାଲିଗଲେ ଲକ୍ଷାଧିକ ଟଙ୍କାର ସୁନା ଅଳଙ୍କାର। ଭଦ୍ରକ ହେଡ ପୋଷ୍ଟ ଅଫିସ ଛକରେ ଥିବା ତେଲ ଟାଙ୍କି ସମ୍ମୁଖରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ।

ଖବର ଅନୁଯାୟୀ, ବାଲେଶ୍ବର ଜିଲ୍ଲା ମଇତାପୁରର ନିରୋଦବାଳା ମହାନ୍ତି ଗାଁରୁ ଅଟୋ ଯୋଗେ ଭଦ୍ରକ ଆସିଥିଲେ । ଭୁବନେଶ୍ୱରରୁ ବସରେ ଆସୁଥିବା ପୁଅ ଓ ଝିଅକୁ ଘରକୁ ନେବା ପାଇଁ ।  ହେଡ ପୋଷ୍ଟ ଅଫିସ ଛକରେ ଥିବା ତେଲ ଟାଙ୍କି ସମ୍ମୁଖରେ ଆମେ ପୋଲିସ ଏଵେ ଚେକିଂ ହେଉଛି, ସୁନା ଅଳଙ୍କାର ଓହ୍ଲାନ୍ତୁ, ନହେଲେ ୫୦ ହଜାର ଫାଇନ ଦିଅନ୍ତୁ । ଏପରି କହି ୪ ଜଣ ଯୁବକ ଅଟୋରେ ବସିଥିବା ମହିଳାଙ୍କୁ ଦୁଇ ପଟରୁ ଘେରିବା ସହ ହାତରେ ପିନ୍ଧିଥିବା ଦୁଇ ଦୁଇ ଭରିର ସୁନା ଅଳଙ୍କାରଙ୍କୁ ଛଡ଼ାଇ ଥିଲେ ।

ସେହିପରି ନିକଟରେ ଥିବା ଅନ୍ୟ ଦୁଇ ଜଣ ମଧ୍ୟ ମହିଳା ପିନ୍ଧିଥିବା ଅଢେଇ ଭରି ଓଜନର ହାରକୁ ମଧ୍ୟ ଲୁଟି ଫେରାର ହେଇଯାଇଥିଲେ। ଯାହାର ଆନୁମାନିକ ମୂଲ୍ୟ ପ୍ରାୟ ୩ ଲକ୍ଷରୁ ଅଧିକ ହେବ ବୋଲି ଅଭିଯୋଗ ହୋଇଛି । କିଛି ବୁଝି ଆଗରୁ ୪ ଲୁଟେରା ସୁନା ଅଳଙ୍କାର ନେଇ ଚମ୍ପଟ ମାରିଥିଲେ। ପରେ ଏନେଇ ମହିଳା ଜଣଙ୍କ ନିକଟସ୍ଥ ସହରାଞ୍ଚଳ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ସିସିଟିଭି  ଯାଞ୍ଚ କରୁଛି । ଏହାସହ ଘଟଣାର ଅଧିକ ତଦନ୍ତ ଜାରି ରଖିଛି ପୋଲିସ।