ଭଦ୍ରକ ୧୦/୧୨: ଭଦ୍ରକରେ ଜଣେ ବ୍ୟବସାୟୀଙ୍କୁ ନିଶା ଦେଇ ତାଙ୍କ ଠାରୁ ଟଙ୍କା ସହ ନଡିଆ ଲୁଟ ହୋଇଥିବା ନେଇ ଥାନାରେ ଅଭିଯୋଗ । ଅଚେତ ଅବସ୍ଥାରେ ବ୍ୟବସାୟୀଙ୍କୁ ଉଦ୍ଧାର କରି ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ ଭଦ୍ରକ ଵ୍ଲକ ଜିତାନଗା ଗାଁର ଗଙ୍ଗାଧର ଜେନା ଭଦ୍ରକ ସହର ବାଲଗୋପାଲ ମନ୍ଦିର ପାଖରେ ବସି ନଡିଆ ବେପାର କରନ୍ତି । ଆଜି ବାକିଥିବା କିଛି ନଡିଆକୁ ଧରି ଘରକୁ ଯାଉଥିବା ସମୟରେ ଜଣେ ଅପରିଚିତ ବ୍ୟକ୍ତି ତାଙ୍କୁ ସମସ୍ତ ନଡ଼ିଆ ନେଇଯିବାକୁ କହି ନେଇଯାଇଥିଲେ।
ପରେ ତାଙ୍କୁ ଚା ସାଥିରେ କିଛି ମିଶାଇ ଦେଇଥିଲେ । ଏହି ଚା ପିଇ ଅଚେତ ଅବସ୍ଥାରେ ସେଠାରେ ପଡି ଯାଇଥିଲେ ଗଙ୍ଗାଧର ଜେନା । ପୋଲିସ ତାଙ୍କୁ ସେଠାରୁ ଉଦ୍ଧାର କରି ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
