ଭୁବନେଶ୍ଵର ୦୧।୦୧ : ସର୍ବସାଧାରଣଙ୍କ ପାଇଁ ଖୋଲିବ ଲୋକସେବା ଭବନର ପୁଷ୍ପ ଉଦ୍ୟାନ । ୨୦୨୩ ଜାନୁଆରୀ ମାସରେ ଚତୁର୍ଥ ଶନିବାର ବ୍ୟତୀତ ସବୁ ସରକାରୀ ଛୁଟିରେ ଲୋକସେବା ଭବନର ପୁଷ୍ପ ଉଦ୍ୟାନ ଖୋଲା ରହିବ । ଏନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଘୋଷଣା କରାଯାଇଛି ।

ଖବର ଅନୁଯାୟୀ, ଚଳିତ ମାସରେ ରବିବାର ଦ୍ୱିତୀୟ ଶନିବାର ଓ ଅନ୍ୟ ଛୁଟିକୁ ମିଶାଇ ମୋଟ ଆଠଟି ଛୁଟି ରହିଛି । ଅପରାହ୍ନ ୪ଟାରୁ ୬ଟା ପର୍ଯ୍ୟନ୍ତ ଜନସାଧାରଣ ଲୋକ ଲୋକସେବା ଭବନ ପୁଷ୍ପ ଉଦ୍ୟାନରେ ବୁଲି ଦେଖି ପାରିବେ । ଆଜି ନୂଆ ବର୍ଷରେ ମଧ୍ୟ ପୁଷ୍ପ ଉଦ୍ୟାନ ଖୋଲା ରହିବ । ଏହି ଉଦ୍ୟାନରେ ବିଭିନ୍ନ କିସମର ଫୁଲଗଛ ଲଗାଯାଇଛି । ୨୦୨୩ ଜାନୁଆରୀ ମାସରେ ଚତୁର୍ଥ ଶନିବାର ବ୍ୟତୀତ ସବୁ ସରକାରୀ ଛୁଟିରେ ଲୋକସେବା ଭବନର ପୁଷ୍ପ ଉଦ୍ୟାନ ଖୋଲା ରହିବ ।