AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡା:୮ ଦିନ ପରେ ବି ନବ ଦାସଙ୍କ ହତ୍ୟା ଘଟଣାରେ ପୋଲିସର ହାତ ଖାଲି
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ୭.୮ର ତ୍ରୀବତା ରେକର୍ଡ
  • ||

ପେଟପାଟଣା ଉପରେ ଲକ୍‌ଡାଉନ୍‌ର ଶକ୍ତ ପ୍ରହାର: ବାଧ୍ୟ ହୋଇ ମାଛ ବିକ୍ରି କଲେ ସେବାୟତ

3/05/2020 at 3:44 PM

ଭୁବନେଶ୍ୱର୩/୫: ଲକ୍‌ ଡାଉନ୍‌ର ଘୋର ପ୍ରଭାବ ପଡ଼ିଛି ପେଟପାଟଣାରେ । ବିଶେଷ କରି ପୁରୋହିତ, ସେବାୟତଙ୍କ ରୋଜଗାରରେ ବାଡ଼ ପକାଇ ଦେଇଛି । ମନ୍ଦିରକୁ ଯାତ୍ରୀ, ଯଜମାନ, ଭକ୍ତ ଆସୁ ନଥିବାରୁ ସେବାୟତଙ୍କ ଖୋସଣିକୁ ରେଜା ପଇସାଟିଏ ବି ଆସୁନି । ବିବାହ, ବ୍ରତ ଓ ଅନ୍ୟାନ୍ୟ ଧର୍ମାନୁଷ୍ଠାନ ବନ୍ଦ ଥିବାରୁ ପୁରୋହିତଙ୍କର ମଧ୍ୟ ଅକାଳ ଚାଲିଛି। ଫଳରେ ପରିବାର ଚଳାଇବାକୁ କିଛି ସେବାୟତ ନିଜର ପେଷା ବଦଳାଇ ଦେଇଛନ୍ତି । ବଜାରରେ ମାଛ, ପରିବା ବିକି ଘରକରଣା ସମ୍ଭାଳୁଛନ୍ତି ।

ଶ୍ରୀଲିଙ୍ଗରାଜ ମନ୍ଦିର ସମେତ ଏକାମ୍ରକ୍ଷେତ୍ରରେ ଥିବା ବହୁ ମନ୍ଦିର ଏବେ ଖାଁ ଖାଁ ପାଲଟିଛି । ରୋଷଶାଳାରେ ଅବଢ଼ା ରନ୍ଧା ହେଉନି କି ଶୁଖିଲା ଭୋଗ ପାଗ ହେଉନାହିଁ । କେବଳ ଠାକୁରଙ୍କ ଦୈନନ୍ଦିନ ନୀତିକାନ୍ତି ହେଉଛି । କିନ୍ତୁ ଭୋଗ ସମର୍ପଣ କରି ଦକ୍ଷିଣା ଦେବାକୁ ଭକ୍ତଙ୍କ ସଂଖ୍ୟା ଶୂନ କହିଲେ ଚଳିବ । ତେଣୁ ରୋଜଗାର ମୋଟ ଉପରେ ନାହିଁ । ଏପଟେ ପରିବାର ଚଳାଇବାରେ ସଂକଟ ସୃଷ୍ଟି ହୋଇଛି ।

ଏଭଳି ପରିସ୍ଥିତିର ମୁକାବିଲା ପାଇଁ କିଛି ଯୁବ ସେବାୟତ ପଦାକୁ ଗୋଡ଼ କାଢ଼ିଛନ୍ତି । ବଢ଼େଇବାଙ୍କ ଛକ, ନାଗେଶ୍ୱର ଟାଙ୍ଗି ହାଟରେ ମାଛ ବେପାର ଖୋଲିଛନ୍ତି । ଅବଶ୍ୟ ମାଛ କାତି ଛଡ଼େଇବା, କାଟିବା ଲାଗି ଅନ୍ୟ ଲୋକ ରଖିଛନ୍ତି । ହେଲେ ମାଛ ବେପାର ସେମାନଙ୍କର ଭଲ ଚାଲିଛି ।

ବିଭିନ୍ନ ଅଞ୍ଚଳ ବୁଲି ପୋଖରୀରୁ ଜିଅନ୍ତା ମାଛ ଆଣୁଛନ୍ତି । ଆନ୍ଧ୍ର ମାଛ ଠାରୁ ଦେଶୀମାଛର ଚାହିଦା ଭଲ ଥିବାରୁ ସେମାନଙ୍କ ମାଛ ପ୍ରଥମେ ବିକ୍ରି ହୋଇ ଯାଉଛି । ପାହାନ୍ତାରୁ ଉଠି ମନ୍ଦିରକୁ ଯିବା ପରିବର୍ତ୍ତେ ଆଇଁଷ ବାରରେ ଏବେ ମାଛ ସନ୍ଧାନରେ ଯାଉଛନ୍ତି । ଦିନ ୧୧ ସୁଦ୍ଧା ବିକ୍ରବଟା ସାରି ଲାଭ ପଇସାରେ ଘର ସଂସାର ଚଳାଉଛନ୍ତି । ଆଉ କିଛି ସେବାୟତ ମଧ୍ୟ ପରିବା ଓ ଫଳ ଦୋକାନରେ ମାତିଥିବା ଦେଖାଯାଉଛି ।

   Related Posts