vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟି ବନ୍ଦ କରି ବ୍ୟାଟିଂ କର, ପଡିଆରେ ଜନି ବେୟରଷ୍ଟୋଙ୍କ- ବିରାଟ କୋହଲି ମୁହାଁମୁହିଁ, ଭିଡିଓ ଭାଇରାଲ
  • ||
  • ମହାରାଷ୍ଟ୍ର ରାଜନୀତି : ଆଜି ସଂଖ୍ୟା ଗରିଷ୍ଠତାର ପ୍ରମାଣ ଦେବେ ଏକନାଥ, ସେପଟେ ଅଡୁଆରେ ଠାକରେ ଗୋଷ୍ଠୀ
  • ||
  • ୨୪ ଘଣ୍ଟାରେ ଲଘୁଚାପ ବଳୟ, ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ରୋହିତ ଶର୍ମା ଫିଟ୍, ସୁସ୍ଥ ହେଲା ପରେ କରୁଛନ୍ତି ପ୍ରାକ୍ଟିସ୍
  • ||
  • ଖାଲି ଶତକ ନୁହେଁ, ବଡ ସ୍କୋର କରିବାରେ ମଧ୍ୟ ବିରାଟ ବିଫଳ : ଏଜବେଷ୍ଟନ୍ ଟେଷ୍ଟରେ ବି ଫ୍ଲପ୍ ରନ୍ ମେସିନ୍
  • ||

ଲକଡାଉନ୍ ଲଜ୍ଜା : ଟିଭି ଚ୍ୟାନେଲ୍ କର୍ମଚାରୀଙ୍କୁ ଡାକି ପଚରାଉଚରା, ତଥାପି ଅଭିଯୁକ୍ତଙ୍କ ଶୋର୍ ଶବ୍ଦ ପାଉନି ପୋଲିସ

15/09/2020 at 7:31 PM

ଭୁବନେଶ୍ୱର, ୧୫|୯ :  ଲକଡାଉନ୍‌ ବେଳେ ରାଜଧାନୀରେ ନାବାଳିକାଙ୍କୁ ଗଣଦୁଷ୍କର୍ମ ଘଟଣାରେ ଅଭିଯୋଗର ୧୫ଦିନ ପରେ ବି ପୋଲିସ ଅଭିଯୁକ୍ତମାନଙ୍କୁ ଧରିବାରେ ବିଫଳ ହୋଇଥିବା ବେଳେ ଆଜି ପୁଣି ତଦନ୍ତର ଦ୍ବାହି ଦେଇଛନ୍ତି ଭୁବନେଶ୍ବର ଡିସିପି । ସେପଟେ ପୀଡ଼ିତାଙ୍କ ମାଆଙ୍କ ଅଭିଯୋଗ ଆଧାରରେ ଓଟିଭିର ଆଉଟ୍‌ପୁଟ ଏଡିଟରଙ୍କୁ ଡାକି ପଚରାଉଚରା କରିଛି ଭୁବନେଶ୍ବର ମହିଳା ଥାନା ପୋଲିସ । ସେହିଭଳି ଓଟିଭି ଏମଡି ଜାଗି ମଙ୍ଗତ ପଣ୍ଡାଙ୍କୁ ଆସନ୍ତା ୨୧ରେ ବ୍ୟକ୍ତିଗତ ହାଜର ପାଇଁ ନୋଟିସ୍‌ କରିଛନ୍ତି ମହିଳା କମିଶନ ।

ରାଜଧାନୀରେ ନାବାଳିକା ଗଣଦୁଷ୍କର୍ମ ଅଭିଯୋଗର ୧୫ଦିନ ପରେ ବି ପୋଲିସ ହାତ ଖାଲି । ସାମ୍ନାକୁ ଆସି ପୁଣି ତଦନ୍ତର ଦ୍ବାହି ଦେଇଛନ୍ତି ଭୁବନେଶ୍ବର ଡିସିପି । କହିଛନ୍ତି,  ଘଟଣା ସହ ସମ୍ପୃକ୍ତି ଥିବା ସାକ୍ଷୀଙ୍କୁ ପଚରା ଉଚରା ଚାଲିଛି । ତଦନ୍ତ ସମୟରେ ଯେଉଁମାନାଙ୍କ ନାଁ ସାମ୍ନାକୁ ଆସିବ ସେମାନଙ୍କୁ ପଚରାଉଚରା କରାଯିବ ।ଅଭିଯୋଗ ଆସିଥିବା ପୋଲିସ କର୍ମଚାରୀଙ୍କୁ ଚିହ୍ନଟ ପ୍ରକ୍ରିୟା ବି ଜାରି ରହିଛି । ତଦନ୍ତକାରୀ ଅଫିସର ଓ କିଛି ସାକ୍ଷୀ କରୋନା ଆକ୍ରାନ୍ତ ଥିବାରୁ ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗଙ୍କୁ ଆମେ ଆଉ କିଛି ସମୟ ମାଗିଛୁ ।

ସେପଟେ ପୀଡ଼ିତାଙ୍କ ମାଆଙ୍କ ଅଭିଯୋଗ ଆଧାରରେ ଓଟିଭିର ଆଉଟପୁଟ୍‌ ଏଡିଟରଙ୍କୁ ଡାକି ପଚରା ଉଚରା କରିଛି ଭୁବନେଶ୍ବର ମହିଳା ଥାନା ପୋଲିସ । ଏହି ମାମଲାରେ  ଓଟିଭି ଏମଡି ଜାଗି ମଙ୍ଗତ ପଣ୍ଡାଙ୍କୁ ମଧ୍ୟ ଆସନ୍ତା ୨୧ରେ ବ୍ୟକ୍ତିଗତ ଭାବେ ହାଜର ହେବାକୁ ନୋଟିସ କରିଛନ୍ତି ରାଜ୍ୟ ମହିଳା କମିଶନ । ହାଜର ନହେଲେ ଆଇନ୍‌ ଅନୁସାରେ କାର୍ଯ୍ୟାନୁଷ୍ଠାନ ହେବ ବୋଲି କୁହାଯାଇଛି ।

ଏହି ଘଟଣାରେ ଷ୍ଟେଟ୍‌ ପ୍ରୋଗ୍ରେସିଭ୍‌ ଓ୍ବିମେନ୍‌ ଫୋରମ୍‌ ପକ୍ଷରୁ ରାଜ୍ୟପାଳଙ୍କୁ ଏକ ସ୍ମାରକ ପତ୍ର ଦିଆଯାଇଛି । ଯେଉଁଥିରେ ଘଟଣାରେ ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବାକୁ ଏଥିରେ ଦାବି କରାଯାଇଛି ।

ଗଲା ମାର୍ଚ୍ଚ-ଏପ୍ରିଲ କରୋନା ଲକ୍‌ଡାଉନ୍‌ ବେଳେ ଘଟଣା ଘଟିଛି । ଅଗଷ୍ଟ ୩୦ରେ ଥାନାରେ ଅଭିଯୋଗ ହେଉଛି । ଆଉ ଅଭିଯୋଗର ୧୫ଦିନ ପରେ ବି କେବଳ ତଦନ୍ତର ଦ୍ବାହି ଦିଆଯାଉଛି । ଏମିତିରେ ଖୋଦ୍‌ ରାଜଧାନୀରେ ଏତେବଡ଼ ସଂଗୀନ୍‌ ଅଭିଯୋଗ ପରେ ବି ଏହାକୁ ନେଇ କାର୍ଯ୍ୟାନୁଷ୍ଠାନରେ ଏତେ ମନ୍ଥରତା କାହିଁକି ତାହା ବୁଝାପଡ଼ୁନି ।

   Related Posts