suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନିଶ୍ଚିନ୍ତକୋଇଲି: ଜୁଏଲାରୀ ଦୋକାନରୁ ଚୋରି, ତାଲା ଭାଙ୍ଗି ଲୁଟିନେଲେ ୧୯ ଲକ୍ଷରୁ ଅଧିକ ସୁନା ଗହଣା
  • ||
  • ପୁରୀ: ଶ୍ରୀମନ୍ଦିରରେ ଶ୍ରୀଜିଉଙ୍କ ନୀତି ବିଳମ୍ବ, ଦର୍ଶନ ନପାଇ ଭକ୍ତ ଅସନ୍ତୋଷ
  • ||

ନ୍ୟୁୟର୍କରେ ବଢିଲା ଲକ୍ ଡାଉନ୍ ସମୟସୀମା, ୨୯ ଅପ୍ରେଲ ପର୍ଯ୍ୟନ୍ତ ସବୁକିଛି ରହିବ ବନ୍ଦ

7/04/2020 at 8:23 AM

ନ୍ୟୁୟର୍କ ୭।୪: ସାରା ବିଶ୍ବରେ ଆତଙ୍କ ଖେଳାଇଛି କରୋନା । ଆମେରିକାରେ ଏହାର ବହୁଳ ପ୍ରଭାବ ପଡିଛି । ଆମେରିକାର ନ୍ୟୁୟର୍କରେ କରୋନା ଭାଇରସ୍ ରୋଗୀଙ୍କ ସଂଖ୍ୟା ଦିନକୁ ଦିନ ବଢୁଛି । ରୋଗୀଙ୍କ ସଂଖ୍ୟା ବଢୁଥିବା ଦୃଷ୍ଟିରୁ ଲକ୍ ଡାଉନ୍ ଅବଧି ଏପ୍ରିଲ ୨୯ ପର୍ଯ୍ୟନ୍ତ ବୃଦ୍ଧି କରାଯାଇଛି । ନ୍ୟୁୟର୍କ ରାଜ୍ୟପାଳ ଆଣ୍ଡ୍ରିୟୁ କୁଏମୋ ଏହା ଘୋଷଣା କରିଛନ୍ତି । ନ୍ୟୁଜ୍ ଏଜେନ୍ସି AFP ଏ ନେଇ ସୂଚନା ଦେଇଛି ।

ଆମେରିକାର ନ୍ୟୁୟର୍କ କରୋନା ଭାଇରସ୍ ମହାମାରୀର କେନ୍ଦ୍ର ପାଲଟିଛି । ଅଧିକାଂଶ ରୋଗୀ ଏଠାରେ ସଂକ୍ରମିତ ହୋଇଛନ୍ତି । ମୃତକଙ୍କ ସଂଖ୍ୟା ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି । ଆମେରିକାରେ କରୋନା ଭାଇରସ୍ ଦ୍ବାରା ୩୪୭,୦୦୩ ଜଣ ସଂକ୍ରମିତ ହୋଇଛନ୍ତି । ସେହିଭଳି ମୃତ୍ୟୁ ସଂଖ୍ୟା ୧୦,୦୦୦ରୁ ଅଧିକ ରହିଛି । ନ୍ୟୁୟର୍କରେ ୩,୫୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି ।

ଅପ୍ରେଲ ୨ ରୁ ୩ ମଧ୍ୟରେ ଗୋଟିଏ ଦିନରେ ନ୍ୟୁୟର୍କରେ ସର୍ବାଧିକ ମୃତ୍ୟୁ ଘଟିଥିଲା ​​।ଏଠାରେ ୨୪ ଘଣ୍ଟା ମଧ୍ୟରେ ୫୬୨ ଜଣଙ୍କର ମୃତ୍ୟୁ ହୋଇଥିଲା । ନ୍ୟୁୟର୍କରେ ପ୍ରତି ଅଢେଇ ମିନିଟରେ ଜଣେ ବ୍ୟକ୍ତିଙ୍କର କରୋନା ଭାଇରସ୍ ରେ ମୃତ୍ୟୁ ହେଉଛି । ଅପ୍ରେଲ ୪ ରୁ, ପରବର୍ତ୍ତୀ ୨୪ ଘଣ୍ଟା ମଧ୍ୟରେ ୬୩୦ ଲୋକଙ୍କର ମୃତ୍ୟୁ ହୋଇଥିଲା ।

ରାଜ୍ୟପାଳ କୁଏମୋଙ୍କ ଅନୁଯାୟୀ, ଶୁକ୍ରବାର ସକାଳେ ମୃତ୍ୟୁ ସଂଖ୍ୟା ୨୯୩୫ ଥିଲା, ଯାହା ୨୪ଘଣ୍ଟା ମଧ୍ୟରେ ୩୫୬୫କୁ ବୃଦ୍ଧି ପାଇଥିଲା । ଆହୁରି ଅନେକ ଲୋକଙ୍କ ମୃତ୍ୟୁ ହେବାର ସମ୍ଭାବନା ଅଛି ।

   Related Posts