ଭୁବନେଶ୍ବର୧୯/୪: କରୋନା ସ୍ଥିତିକୁ ଅନୁଧ୍ୟାନ କରି ରାଜ୍ୟର ବିଭିନ୍ନ ଜିଲ୍ଲାରେ ଲକ୍ଡାଉନ୍ ନିୟମ କୋହଳ କରାଯାଇଛି। କିନ୍ତୁ ରାଜଧାନୀ ଭୁବନେଶ୍ବରରେ ଲକ୍ଡାଉନ ନିୟମ କଟକଣା କୋହଳ ହେବା ନାହିଁ ବୋଲି ବିଏମ୍ସି ଟ୍ବିଟ୍ କରିବା ପରେ ଏହାକୁ ରି-ଟ୍ବିଟ୍ କରି ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି। ମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚିବ, ପୋଲିସ୍ କମିଶନର ସୁଧାଂଶୁ ଷଡ଼ଙ୍ଗୀ, ସୂଚନା ଓ ଲୋକ ସଂପର୍କ ବିଭାଗ ଏବଂ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗକୁ ଟ୍ୟାଗ କରି ଏହି ଟ୍ବିଟ କରାଯାଇଛି। ଏଥିରେ ଉଲ୍ଲେଖ ରହିଛି ଯେ, ଭୁବନେଶ୍ବରରେ ଲକ୍ଡାଉନ୍ ନିୟମ କୋହଳ ହେବ ନାହିଁ। ଯେପର୍ଯ୍ୟନ୍ତ ପରିସ୍ଥିତିରେ ସୁଧାର ଆସି ନାହିଁ। ସେପର୍ଯ୍ୟନ୍ତ ଟ୍ବିନସିଟିରେ ଲକ୍ଡାଉନ କୋହଳ ହେବ ନାହିଁ । ସେଥିପାଇଁ ରାଜଧାନୀବାସୀଙ୍କ ସହଯୋଗର ଆବଶ୍ୟକତା ରହିଛି। ତେଣୁ ସହଯୋଗ କରିବାକୁ ବିଏମ୍ସି ସମସ୍ତଙ୍କୁ ଅନୁରୋଧ କରିଛି।
{"id":256887,"sizeSlug":"large"}ତେବେ ଗୋଟିଏ କଥା ସ୍ପଷ୍ଟ କରିଦିଆଯାଇଛି ହଟସ୍ପଷ୍ଟ ଅଞ୍ଚଳରେ କୌଣସି କୋହଳ କରାଯିବ ନାହିଁ। ବିଶେଷ କରି କଣ୍ଟେନମେଣ୍ଟ ଜୋନରେ କେବଳ କଟକଣା କଡ଼ାକଡ଼ି ଭାବେ ପାଳନ କରାଯିବ। ଏହା ଅନୁଯାୟୀ ଭୁବନେଶ୍ବର ଓ କଟକରେ କଟକଣା ହଟାଯିବ ନାହିଁ। ମୁଖ୍ୟ ଶାସନଚ ସଚିବଙ୍କ କାର୍ଯ୍ୟାଳୟ ପକ୍ଷରୁ ଟ୍ବିଟ କରାଯାଇ କୁହାଯାଇଛି ଯେ କେବଳ କୃଷି କାର୍ଯ୍ୟ ପାଇଁ ଅନୁମତି ଦିଆଯାଇଛି। ତେବେ ଟ୍ବିନ ସିଟି ପାଇଁ କଟକଣା ବଳବତ୍ତର ରହିବ।