ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ORHDC ଦୁର୍ନୀତି ମାମଲା, IAS ବିନୋଦ କୁମାରଙ୍କ ସହ ୬ ଜଣଙ୍କୁ ଜେଲ୍‌ଦଣ୍ଡ ଶୁଣାଇଲେ ସ୍ପେଶାଲ୍‌ ଜଜ୍‌
  • ||
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ଅଧପନ୍ତରିଆ ରାସ୍ତା ଯୋଗୁଁ ରାଜପଥ ମରଣଯନ୍ତା : ରାସ୍ତା ଅବରୋଧ କଲେ ସ୍ଥାନୀୟଲୋକ, ଗାଡି ଚଳାଚଳ ଠପ୍

13/07/2022 at 12:59 PM

ଢେଙ୍କାନାଳ ୧୩।୭: ଢେଙ୍କାନାଳ ୫୫ ନମ୍ବର ଜାତୀୟ ରାଜପଥ ସଂପ୍ରସାରଣ କାର୍ଯ୍ୟ ଦୀର୍ଘ ମାସ ହେଲା । ଅଧାରେ ଛାଡି ଠିକାଦାର ଛୁ । ଫଳରେ କଟକର ମଙ୍ଗୁଳି ଛକରୁ ଅନୁଗୋଳ ଯାଏଁ ରାଜପଥ ମରଣଯନ୍ତା

ପାଲଟିଯାଇଛି । ବିଶେଷ କରି ଢେଙ୍କାନାଳ ସହର ଉପକଣ୍ଠ ଗୋବିନ୍ଦପୁରଠାରୁ ମହିଷାପାଟ ଛକ ପର୍ଯ୍ୟନ୍ତ ରାସ୍ତା ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି । ଖରା ଦିନେ ପ୍ରବଳ ଧୂଳି ଆଉ ରାସ୍ତାରେ ଖାଲଖମା ଯୋଗୁଁ ବର୍ଷା ଦିନେ ନାହିଁ ନଥିବା ସ୍ଥାନୀୟ ଲୋକେ ସମସ୍ୟା ଭୋଗୁଛନ୍ତି । ବାରମ୍ବାର ପ୍ରଶାସନଠାରୁ ରାଜନେତା ପର୍ଯ୍ୟନ୍ତ ଗୁହାରି କରି ଆସୁଥିଲେ ମଧ୍ୟ ସମସ୍ତେ ସ୍ଥାଣୁ ପାଲଟିଯାଇଛନ୍ତି ।  ଫଳରେ ଅଣନିସ୍ବାସୀ ହୋଇ ସ୍ଥାନୀୟ ଶ୍ୟାମଚରଣପୁର, ଅନନ୍ଦନଗର, କାଠଗଡା, ଇଛାଦେଇପୁର, କଣ୍ଟେଇକୋଳିଆ ଓ କୁଞ୍ଜକାନ୍ତ ଆଦି ବାସିନ୍ଦାମାନେ ଏହାର ତୀବ୍ର ପ୍ରତିବାଦ କରିଛନ୍ତି ।

ବୁଧବାର ସକାଳ ୮ଟାରୁ ଏହି ଜାତୀୟ ରାଜପଥକୁ କଲେଜ ବାଏପାସଠାରେ ଅବରୋଧ କରି ତୁରନ୍ତ ରାସ୍ତା ମରାମତି ଦାବି କରିଥିଲେ । ଫଳରେ ଜାତୀୟ ରାଜପଥ ଯୋଗାଯୋଗ କରୁଥିବା ରାଜ୍ୟର ଦୁଇ ପ୍ରମୁଖ ବାଣିଜ୍ୟସ୍ଥଳୀ କଟକ ଓ ସମ୍ବଲପୁର ମଧ୍ୟରେ ଗାଡି ଚଳାଚଳ ସମ୍ପୂର୍ଣ୍ଣ ଠପ୍ ହୋଇଯାଇଥିଲା । ଆନ୍ଦୋଳନସ୍ଥଳର ଉଭୟ ପାର୍ଶ୍ଵରେ ଶହ ଶହ ଗାଡି ମଟର ଛିଡ଼ା ହୋଇ ରହିଥିବା ଦେଖିବାକୁ ମିଳିଥିଲା । ଘଟଣାସ୍ଥଳରେ ଚାପା ଉତ୍ତେଜନା ଯୋଗୁଁ ଟାଉନ ପୋଲିସ ଓ ପୋଲିସ ଏସଡିପିଓ ପ୍ରମୁଖ ପୋଲିସ ଅଧିକାରୀ ପୋଲିସ ଫୋର୍ସ ସହ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ମାତ୍ର ରାସ୍ତା ମରାମତି ଆରମ୍ଭ ନହେବା ଯାଏଁ ରାସ୍ତା ଅବରୋଧରୁ ହଟିବେ ନାହିଁ ବୋଲି ଆନ୍ଦୋଳନକାରୀମାନେ ଜିଦରେ ଥିଲେ । ପରେ ଘଟଣାସ୍ଥଳକୁ ଢେଙ୍କାନାଳ ଏସପି ଓ ଉପଜିଲ୍ଲାପାଳ ପହଞ୍ଚି ଠିକାଦାରଙ୍କ ଉପସ୍ଥିତିରେ ଲୋକଙ୍କ ସହ ଆଲୋଚନା କରିଥିଲେ । ପରେ ଠିକାଦାର କାମ ଆରମ୍ଭ କରିବାର ପ୍ରତିଶ୍ରୁତି ପାଇ ଦୀର୍ଘ ୩ ଘଣ୍ଟା ପରେ ଆନ୍ଦୋଳନରୁ ହଟିଥିଲେ ଆନ୍ଦୋଳନକାରୀ ।

   Related Posts