ନୀଳଗିରି,୩୦/୮: ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଛତ୍ରପୁର ଠାରେ ଥିବା କସ୍ତୁରବା ଗାନ୍ଧୀ ଆଶ୍ରମରେ ଅନ୍ତେବାସୀଙ୍କ ପାଇଁ ଆସିଥିବା ତେଜରାତି ସାମଗ୍ରୀ ନିମ୍ନମାନର ହୋଇଥିବା ଅଭିଯୋଗ ହୋଇଛି । ଗୁଡ଼, ଚିନିରୁ ପୋକ ବାହାରୁଥିବା ବେଳେ ଅନ୍ୟ ସାମଗ୍ରୀ ଅତି ନିମ୍ନମାନର ହୋଇଥିବା ଦେଖିବାକୁ ମିଳିଛି।ପ୍ରତିବାଦରେ ଅଭିଭାବକ ଓ ଅଞ୍ଚଳବାସୀଙ୍କ ପକ୍ଷରୁ ଆମରଣ ଅନଶନ କରାଯାଇଛି ।
ଏଥିରେ ସ୍ଥାନୀୟ ସରପଞ୍ଚ, ସମିତିସଭ୍ୟ, ବ୍ଲକ ଚେୟାରମ୍ୟାନ ଓ ଅଭିଭାବକମାନେ ଖାଦ୍ୟ ସାମଗ୍ରୀର ଗାଡି ଅଟକ ରଖିଛନ୍ତି । ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିବା ବେଳେ ଶିକ୍ଷାଧିକାରୀ ଆସି ବୁଝାସୁଝା କରିଥିଲେ ମଧ୍ୟ କିଛି ସୁଫଳ ମିଳି ପାରିନଥିଲା । ଶେଷରେ ଲିଖିତ ଭାବେ ଦୃଢ଼ କାର୍ଯ୍ୟାନୁଷ୍ଠାନ ହେବାର ପ୍ରତିଶୃତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା ।
