କେନ୍ଦୁଝର ୩।୧୦: କେନ୍ଦୁଝର ଜିଲ୍ଲା ଆନନ୍ଦପୁର ପୌରପାଳିକା କାର୍ଯ୍ୟାଳୟରେ ତାଲା ପକାଇ ଧାରଣାରେ ବସିବା ପରେ ଡ୍ରେନ୍ ସଫା କରିଛନ୍ତି ପୌର କର୍ତ୍ତୃପକ୍ଷ ।

ସୂଚନାଯୋଗ୍ୟ ଯେ, ଦୀର୍ଘଦିନ ଧରି ଡ୍ରେନ୍ ସଫା ନହେବାରୁ ଡ୍ରେନ୍ ପୋତିହୋଇ ଯାଇଛି । ଫଳରେ ବର୍ଷାହେଲେ ଡ୍ରେନ୍ ପାଣି ଯାଇ ଲୋକଙ୍କ ଘରେ ପଶୁଛି । ସମସ୍ୟା ଜଟିଳ ହୋଇଥିଲେ ମଧ୍ୟ ବାରମ୍ବାର କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି କାମ ନହେବାରୁ ମଙ୍ଗଳବାର ୭ନଂ ଓ୍ବାର୍ଡର କାଉନସିଲର କୃଷ୍ଣଚନ୍ଦ୍ର ରଣା ପୌରପାଳିକା କାର୍ଯ୍ୟାଳୟ ଗେଟ୍‌ରେ ତାଲା ପକାଇ ଧାରଣାରେ ବସିଥିଲେ । ଫଳରେ ଅଚଳ ହୋଇପଡିଥିଲା ପୌର କାର୍ଯ୍ୟାଳୟ । ଧାରଣାର ଦେଢଘଣ୍ଟା ପରେ ପ୍ରାୟ ଦିନ ସାଢେ ୧୧ଟା ସମୟରେ ପୌର କାର୍ଯ୍ୟନିର୍ବାହୀ ଅଧିକାରୀ ପହଁରିବା ପରେ କାଉନସିଲରଙ୍କୁ ଧାରଣାରୁ ଉଠାଇ ଘଟଣାସ୍ଥଳ ପରିଦର୍ଶନ କରିଥିଲେ । ସେଠାରେ ପ୍ରକୃତ ସମସ୍ୟାକୁ ନିଜ ଆଖିରେ ଦେଖିବା ସହ ସ୍ଥାନୀୟ ଲୋକଙ୍କ ଠାରୁ ସମସ୍ୟା ବିଷୟରେ ଜିଣି ତୁରନ୍ତ ଏକ ଜେସିବି ମେସିନ୍ ସହାୟତାରେ ଡ୍ରେନ୍ ସଫା କାମ ଆରମ୍ଭ କରାଯାଇଛି ।

You Can Read :