ସୁରଟ ୦୨।୧୦ : ଲିଜେଣ୍ଟସ ଲିଗ୍ ୨୦୨୪ । ବୁଧବାର ସୁରଟର ଲାଲାବାଇ କଣ୍ଟ୍ରାକ୍ଟର ଷ୍ଟାଡିୟମରେ ମୁହାଁମୁହିଁ ହେବେ କୋଣାର୍କ ସୂର୍ୟାସ୍ ଓଡ଼ିଶା ଓ ସଦର୍ଣ୍ଣ ସୁପରଷ୍ଟାର୍ସ । ଟୁର୍ଣ୍ଣାମେଣ୍ଟର ଆଗାମୀ ମ୍ୟାଚ୍ ନେଇ କୋଣାର୍କ ସୂର୍ୟାସ୍ ଓଡ଼ିଶା ଦଳ ପୁରା ପ୍ରସ୍ତୁତ ଥିବା ଜଣାପଡିଛି । ରାତି ୭ଟା ସମୟରେ ଖେଳାଯିବ ଏହି ମ୍ୟାଚ୍ ।
କେଏସଓର (କୋଣାର୍କ ସୂର୍ୟାସ୍ ଓଡ଼ିଶା) ଶେଷ ଦୁଇଟି ମ୍ୟାଚ୍ ବର୍ଷା ହେତୁ ବାତିଲ ହୋଇଥିଲା । ମ୍ୟାଚ୍ ବାତିଲ ହେତୁ ଦଳକୁ ଦୁଇଟି ପଏଣ୍ଟ ପ୍ରଦାନ କରାଯାଇଛି। ବର୍ତ୍ତମାନ ସୁଦ୍ଧା, ୩ଟି ମ୍ୟାଚରୁ ୪ ପଏଣ୍ଟ ସହିତ ପଏଣ୍ଟ ଟେବୁଲରେ କେଏସଓ ଦ୍ୱିତୀୟ ସ୍ଥାନରେ ରହିଛି। ସେପଟେ ୩ଟି ମ୍ୟାଚରୁ ୬ ପଏଣ୍ଟ ହାସଲ କରି ସଦର୍ନ ସୁପରଷ୍ଟାର୍ସ ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ରହିଛି। ତେଣୁ ବୁଧବାର ଖେଳାଯିବାକୁ ଥିବା ମ୍ୟାଚ୍ରେ ଜୋରଦାର ଲଢେଇ ଦେଖିବାକୁ ମିଳିବ ।
ଅନ୍ୟପଟେ ଯଦି ଆମେ ପାଣିପାଗ ସ୍ଥିତି ଦେଖିବା । ତେବେ ପ୍ରାୟ ଚାରି ଦିନର ଲଗାତାର ବର୍ଷା ପରେ ବର୍ତ୍ତମାନ ପାଗ ଭଲ ରହିଛି। ତେବେ ବୁଧବାର ବର୍ଷା କମ୍ ହେବାର ସମ୍ଭାବନା ଅଛି। ସେପଟେ କ୍ରିକେଟ୍ ପ୍ରେମୀ ପୁରା ଖେଳ ଦେଖିବାର ଆଶା ରଖିଛନ୍ତି, ଯେଉଁଥିରେ ଲିଗ୍ର ଶ୍ରେଷ୍ଠ ଦୁଇ ଦଳ ମଧ୍ୟରେ କଡ଼ା ଟକ୍କର ହେବାକୁ ଯାଉଛି।
ଦଳର ସ୍କ୍ବାଡ୍ ତାଲିକା
କୋଣାର୍କ ସୂର୍ୟାସ୍ ଓଡ଼ିଶା
ଇରଫାନ୍ ପଠାନ୍ (ଅଧିନାୟକ), ୟୁସୁଫ୍ ପଠାନ୍, ଶାହବାଜ୍ ନଦୀମ୍, ବିନୟ କୁମାର୍, ଫିଡେଲ୍ ଏଡୱାର୍ଡସ୍, କେଭିନ୍ ଓ'ବ୍ରାଇନ୍, ପ୍ରବୀଣ ତାମ୍ବେ, ବେନ୍ ଲଫଲିନ୍, ଅମ୍ବାନ୍ତି ରାୟୁଡୁ, ନବୀନ ଷ୍ଟିୱାର୍ଟ, ରସ୍ ଟେଲର୍, ରିଚାର୍ଡ୍ ଲେଭି, ଦିଲସାନ୍ ମୁନାୱେରା, କେପି ଅପାନ୍ନା, ଦିୱେଶ୍ ପାଥାନିଆ, ରାଜେଶ ବିଷ୍ନୋଇ, ନଟରାଜ ବେହେରା।
ସଦର୍ନ ସୁପର ଷ୍ଟାର୍ସ
ଦୀନେଶ କାର୍ତ୍ତିକ (ଅଧିନାୟକ), ମାର୍ଟିନ ଗପ୍ଟିଲ୍, ଶ୍ରୀଭାତ୍ସ ଗୋସ୍ୱାମୀ, ପାର୍ଥୀବ ପଟେଲ, କେଦାର ଯାଦବ, ପୱନ ନେଗୀ, ହାମିଲ୍ଟନ୍ ମସାକାଦଜା, ଚତୁରଙ୍ଗା ଡି ସିଲଭା, ସୁରଙ୍ଗା ଲକମଲ୍, ଅବଦୁର ରଜ୍ଜାକ, ହମିଦ ହସନ, ଜୀବନ ମେଣ୍ଡିସ୍, ରବିନ୍ ବିଷ୍ଟ, ଜେସଲ କାରିଆ, ଚିରାଗ ଗାନ୍ଧି, ମୋନୁ କୁମାର, ସୁବୋଥ ଭାଟି, ଏଲଟନ୍ ଚିଗୁମ୍ବୁରା।
