ନୂଆଦିଲ୍ଲୀ ୦୬।୦୯: ଭାରତ ନା ଇଣ୍ଡିଆ ? ନାଁକୁ ନେଇ ଏବେ ବିବାଦ । ଜି -20 ସମ୍ମିଳନୀ ଡିନର କାର୍ଡରେ ‘ପ୍ରେସିଡେଣ୍ଚ ଅଫ୍ ଭାରତ’ ଲେଖା ବିରୋଧୀ-ବିଜେପି ମୁହାଁମୁହିଁ ହୋଇଛନ୍ତି । କାହିଁକି ଏବଂ କେଉଁଠି ବିବାଦ ରହିଛି । ବିଶ୍ବର ଏମିତି ଅନେକ ଦେଶ ଯିଏ ନିଜ ଦେଶର ନାଁ ପରିବର୍ତ୍ତନ କରିଛନ୍ତି । ଚଳିତ ବର୍ଷ ଜୁନ୍ ୨ରେ ସଂଯୁକ୍ତ ରାଷ୍ଟ୍ର ତୁର୍କୀ ନିଜ ଦେଶର ନାଁ ତୁର୍କୀୟେ ଘୋଷଣା କରିଛି । ଗତବର୍ଷ ଡିସେମ୍ବରରେ ନାଁ ପରିବର୍ତ୍ତନ ନେଇ ସ୍ମାରକପତ୍ର ପ୍ରଦାନ କରିଥିଲେ।

 ୧୯୭୨ରେ ବ୍ରିଟିଶଙ୍କଠାରୁ ସ୍ୱାଧୀନ ହୋଇଥିଲା ଶ୍ରୀଲଙ୍କା । ଦାସତ୍ୱ ସମୟରେ ଏହାର ନାଁ ଥିଲା ସିଲୋନ୍ । ଦାସତ୍ୱର ଚିହ୍ନ ଲିଭାଇବା ପାଇଁ ସେବେ ହିଁ ସିଲନର ନାଁ  ପରିବର୍ତ୍ତନ କରି ଶ୍ରୀଲଙ୍କା କରିବାକୁ ହୋଇଥିଲା ନିଷ୍ପତ୍ତି । କିନ୍ତୁ ସରକାରୀ ଦଲିଲରୁ ସିଲନ୍ ନାଁ ସଂପୂର୍ଣ୍ଣ ହଟାଇବାକୁ ଲାଗିଯାଇଥିଲା ୩୯ ବର୍ଷ ।

ଇରାନକୁ ଐତିହାସିକ ଭାବେ ପାରସ୍ୟ ନାଁରେ ଜଣାଶୁଣା | କୁହାଯାଏ ୫୫୦ ଖ୍ରୀଷ୍ଟାବ୍ଦରେ ଗ୍ରୀସ୍ ଏହି ଦେଶକୁ ପାରସ୍ୟ ବୋଲି ନାମକରଣ କରିଥିଲେ । ୧୯୩୫ରେ ପାଶ୍ଚାତ୍ୟ ଦେଶମାନଙ୍କୁ ପାରସ୍ୟକୁ ଇରାନ ବୋଲି ସମ୍ବୋଧନ କରିବାକୁ ଅନୁରୋଧ କରାଯାଇଥିଲା ।

ନାଁ ପରିବର୍ତ୍ତନ ପୂର୍ବରୁ ନେଦରଲ୍ୟାଣ୍ଡ ହଲାଣ୍ଡ ଭାବରେ ଜଣାଶୁଣା ଥିଲା  । ଜାନୁଆରୀ ୨୦୨୦ରେ ଦେଶର ନାଁ ହଲାଣ୍ଡରୁ ନେଦରଲ୍ୟାଣ୍ଡକୁ ପରିବର୍ତ୍ତନ କରାଯାଇଥିଲା ।

୧୯୮୯ରେ ସାମରିକ ସରକାର ବର୍ମା ନାଁ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଥିଲେ । କାରଣ ବର୍ମା ନାଁ ବ୍ରିଟିଶ୍‌ଙ୍କ ଦାସତ୍ବର ପ୍ରତୀକ । ଏଥିପାଇଁ କରାଯାଇଛି ପରିବର୍ତ୍ତନ । ଏବେ ବର୍ମା ମିଆଁମାର ଭାବେ ପରିଚିତ ।

ଦଶନ୍ଧି ପୂର୍ବରୁ ସିଆମର ନାଁ ଥାଇଲ୍ୟାଣ୍ଡ କରାଯାଇଥିଲା । ଏହି ନାଁ ୧୯୩୯ରେ ଜଣେ ଏକଛତ୍ରବାଦୀ ଶାସକ ଦ୍ବାରା ଦିଆଯାଇଥିଲା ।  

ଜର୍ମାନ ଦକ୍ଷିଣ ପଶ୍ଚିମ ଆଫ୍ରିକାରୁ ନାମିବ୍ୟା ନାଁ ହୋଇଥିଲା । ୧୯୬୮ରେ ଏହି ନାଁ ମିଳିତ ଜାତିସଂଘ ଦ୍ୱାରା ସ୍ଥିର ହୋଇଥିଲା । କିନ୍ତୁ ଏହାର ନାମକରଣ ୧୯୯୦ରେ କରାଯାଇଥିଲା ।  ୧୯୯୦ରେ ଏହାର ନାମକରଣ କରାଯାଇଥିଲା । ଆୟରିସ୍‌ ଫ୍ରି ଷ୍ଟେଟ୍‌ରୁ ଆୟଲ୍ୟାଣ୍ଡ ୧୯୩୭ରେ ହୋଇଥିଲା ।

You Can Read: