ବାଲିପାଟଣା ୦୨/୦୬: ରାଜଧାନୀ ଉପକଣ୍ଠ ବାଲିପାଟଣାରେ ଚୋର ଆତଙ୍କ । ବିଳମ୍ବିତ ରାତିରେ ମଦ ଦୋକାନ ସଟର ତାଡି ନେଇଗଲେ ଟଙ୍କା ଏବଂ ମଦ । ଚୋରୀ ସମୟର ସମସ୍ତ ଦୃଶ୍ୟ ସିସିଟିଭିରେ କଏଦ ହୋଇଛି । ଥାନାରେ ଏତଲା ପରେ ପୋଲିସ୍ ଘଟଣା ସ୍ଥଳରେ ପହଁଞ୍ଚି ତଦନ୍ତ ଚଳାଇଛି ।

ବାଲିପାଟଣା ଥାନା ଗାରେଡ଼ି ପାଞ୍ଚଣ ଗ୍ରାମରେ ଆଶିଷ କୁମାର ପ୍ରତିହାରୀଙ୍କର ଠିପି ବନ୍ଦ ବିଦେଶୀ ମଦ ଦୋକାନ ରହିଛି । ଗୁରୁବାର ବିଳମ୍ବିତ ରାତିରେ ଜଣେ ଚୋର ଦୋକାନ ପଛପାର୍ଶ୍ଵ ସଟର ଭାଙ୍ଗି ଦୋକାନ ଭିତରେ ପ୍ରବେଶ କରିଥିଲା । ଦୋକାନରେ ଥିବା ପ୍ରାୟ ୪୧ ହଜାର ଟଙ୍କାର କଏନ୍ ସହ ମଦ ଚୋରୀ କରି ନେଇଛି ଚୋର ।

ଚୋରୀ ସମୟର ସମସ୍ତ ଦୃଶ୍ୟ ସିସିଟିଭିରେ ରେକର୍ଡ ହୋଇଛି । ଶୁକ୍ରବାର ଦୋକାନର ମ୍ୟାନେଜର ବିଦ୍ୟାଧର ସାହୁ ପହଁଞ୍ଚିବା ପରେ ଚୋରୀ ହୋଇଥିବା ଜାଣିବାକୁ ପାଇଥିଲେ । ଏ ନେଇ ବିଦ୍ୟାଧର ବାଲିପାଟଣା ଥାନାରେ ଲିଖିତ ଅଭିଯୋଗ କରିଛନ୍ତି । ସିସିଟିଭି ଆଧାରରେ ପୋଲିସ ଘଟଣାର ତଦନ୍ତ ଚଳାଇଛି ।