କାର୍‌ରେ ଚାଲାଣ ହେଉଥିଲା ଦେଶୀ ମଦ, ମାଡିବସିଲା ଅବକାରୀ ବିଭାଗ

Published By : Prameya-News7 Bureau | December 05, 2022 IST

ଖଲ୍ଲିକୋଟ୦୫/୧୨: ଛତ୍ରପୁର ଉପକଣ୍ଠ ପାଲୁର ରୋଡ଼ ସ୍ଥିତ ଜାତୀୟ ରାଜପଥ ଉପରେ ଅଚାନକ ଚଢ଼ଉ । ୯୦୦ଲିଟର ବେଆଇନ ଦେଶୀ ମଦ ଜବତ ସହ ଗାଡିକୁ ଜବତ କଲା ଅବକାରୀ ବିଭାଗ ।

ଗଞ୍ଜାମ ଅବକାରୀ ଅଧିକ୍ଷକଙ୍କ ନିର୍ଦେଶ କ୍ରମେ ଭୋର ୪ଟାରେ ବିଶେଷ ସୂତ୍ରରୁ ଖବର ପାଇ ଛତ୍ରପୁର ସଦର ରେଞ୍ଜ ପକ୍ଷରୁ ଚଢାଉ କରାଯାଇଥିଲା । କାରରେ ଦେଶୀ ମଦ (ପାଉଚ )ଚାଲାଣ ଗାଡିକୁ ପାଲୁର ରୋଡ଼ ସ୍ଥିତ ଜାତୀୟ ରାଜପଥରେ ଚଢ଼ଉ କରି କାବୁ କରିଥିଲା ଟିମ୍ ।

ଏହି କାରରେ ଥିବା ୧୮ବସ୍ତାରେ ୯ହଜାର ମଦ ପାଉଚ ଯାହା ପାଖାପାଖି ୯୦୦ଲିଟର ଦେଶୀ ମଦକୁ ଜବତ କରିବା ସହ କାର ଚାଳକଙ୍କୁ ଗିରଫ କରିଥିଲା । ଗିରଫ କାର ଚାଳକ ତଥା ମୁଖ୍ୟ ଅଭିଯୁକ୍ତ ଜଣକ ରମ୍ଭା ଥାନା ଅନ୍ତର୍ଗତ ବାଲିବଗଡ଼ ଅଂଚଳର ପ୍ରତାପ ବିଶ୍ୱାଳ । ସେ କାର୍ ଯୋଗେ ଦେଶୀ ମଦ ନେଉଥିଲା ଆଖପାଖ ଅଂଚଳରେ ହୋଲସେଲରେ ବ୍ରିକ୍ରି କରିବା ନିମନ୍ତେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.