scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅବକାରୀ ଚେକିଂ ବେଳେ ପିକ୍‌ଅପ୍‌ ଭ୍ୟାନ୍‌ରୁ ଜବତ ହେଲା ଦେଶୀ ମଦ, ଖସିପଳାଇଲେ ୩ ଅଭିଯୁକ୍ତ

6/03/2021 at 4:05 PM

ଭଦ୍ରକ ୬।୩: ଭଦ୍ରକରେ ଅବକାରୀ ବିଭାଗର ଚେକିଂ ବେଳେ ଧରାପଡିଲା ଦେଶୀ ମଦ । ପିକଅପ୍ ଭ୍ୟାନକୁ ଅଟକାଇବା ବେଳେ ଗାଡିଟି ଗାଁ ଭିତରକୁ ପସିଯାଇଥିଲା । ଗୋଡାଇ ଗୋଡାଇ ଗାଡିକୁ ଧରିଲେ ଅବକାରୀ ବିଭାଗ ଟିମ୍ । କିନ୍ତୁ ୩ ଅଭିଯୁକ୍ତ ଦୌଡ଼ି ପଳାଇଥିବା ଜଣାପଡିଛି । ଗାଡିରୁ ପ୍ରାୟ ୨ ଲକ୍ଷ ଟଙ୍କାର ୮୫୦ ଲିଟର ଦେଶୀ ରନ୍ଧା ମଦ ଜବତ ହୋଇଛି ।

ସୂଚନାଯୋଗ୍ୟ ଯେ, ଭଦ୍ରକ ଅବକାରୀ ବିଭାଗ ତରଫରୁ ନିୟମିତ ଚେକିଂ ସମୟରେ ଏକ ପିକଅପକୁ ସନ୍ଦେହ କରି ଅଟକାଇଥିଲେ ଅବକାରୀ କର୍ମଚାରୀ । ପିକଅପଟି ନ ଅଟକି ଭଦ୍ରକ ଗ୍ରାମଞ୍ଚଳ ଥାନା ତୋଡଙ୍ଗା ଗାଁ ଭିତରକୁ ପସିଯାଇଥିଲା । ଅବକାରୀ କର୍ମଚାରୀମାନେ ଗାଡିକୁ ଗୋଡାଉଥିବା ଦେଖି ଗାଡିରେ ଥିବା ଲୋକେ ଦୌଡିଥିଲେ । ୩ ଜଣ ଖସିଯିବା ପାଇଁ ସକ୍ଷମ ହୋଇଥିବା ବେଳେ ବିବେକାନନ୍ଦ ଜେନା ନାମକ ଜଣେ ଅଭିଯୁକ୍ତକୁ ଅବକାରୀ ବିଭାଗ  ଗିରଫ କରିଛି । ତେବେ ପିକଅପକୁ ଯାଞ୍ଚ କରିବା ସମୟରେ ଗାଡିରୁ ୮୫୦ ଲିଟରରୁ ଅଧିକ ଦେଶୀ ରନ୍ଧା ମଦ ଜବତ ହୋଇଛି । ଯାହାର ଆନୁମାନିକ ମୂଲ୍ୟ ପ୍ରାୟ ୨ ଲକ୍ଷ ଟଙ୍କାରୁ ଅଧିକ ହେବ ବୋଲି ଅବକାରୀ ବିଭାଗ ସୂଚନା ଦେଇଛି ।

   Related Posts