suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଧ୍ୟପ୍ରଦେଶ ମୁରୈନାରେ ଦୁର୍ଘଟଣା, ଏୟାରଫୋର୍ସର ସୁଖୋଇ-୩୦ ଓ ମିରାଜ୍-୨୦୦୦ ଫାଇଟର ଜେଟ୍ କ୍ରାସ୍
  • ||
  • ଜେରୁଜେଲମ୍‌ରେ ପ୍ରାର୍ଥନାସ୍ଥଳରେ ଆତଙ୍କୀ ହମଲା, ଗୁଳିମାଡ଼ରେ ୮ମୃତ
  • ||
  • କେନ୍ଦୁଝର: ବୋଲେରୋ ଓ ଅଟୋ ମୁହାଁମୁହିଁ ଧକ୍କା, ୩ ମୃତ ଗୁରୁତର
  • ||

ନୋଟରେ ଛପା ହେବ ମେସିଙ୍କ ଫଟୋ, ବିଶ୍ୱକପ୍‌ ବିଜେତା ଟିମ୍‌କୁ ସରକାର ଦେବେ ଏପରି ସମ୍ମାନ !

23/12/2022 at 9:28 AM

ନୂଆଦିଲ୍ଲୀ ୨୩।୧୨ : ଫୁଟବଲ୍‌ ବିଶ୍ୱକପ୍ ୨୦୨୨ ସିଜିନ ଟ୍ରଫି ଜିତିଛି ଆର୍ଜେଣ୍ଟିନା । ଲିୟୋନେଲ୍‌ ମେସିଙ୍କ ଅଧିନାୟକଙ୍କ ଆର୍ଜେଣ୍ଟିନା କପ୍‌ ଜିତି ଇତିହାସ ରଚିଛି । ଚଳିତ ବିଶ୍ୱକପ୍‌ କତାରରେ ଖେଳାଯାଇଥିଲା । ଯାହାର ଫାଇନାଲ ଡିସେମ୍ବର ୧୮ରେ ସରିଛି । ପେନ୍‌ଲାଟି ସୁଟ୍‌ଆଉଟ୍‌ରେ ଆର୍ଜେଣ୍ଟିନାଠୁ ୪-୨ ଗୋଲ୍‌ରେ ପରାସ୍ତ ହୋଇଥିଲା ଫ୍ରାନ୍ସ । ତେବେ ଆର୍ଜେଣ୍ଟିନାର ଏହି ବିଜୟ ପରେ ମେସିଙ୍କୁ ଚାରିଆଡୁ ଶୁଭେଚ୍ଛାର ବାର୍ତ୍ତା ଛୁଟୁଛି । କିନ୍ତୁ ଏବେ ଯାହା ତଥ୍ୟ ସାମ୍ନାକୁ ଆସିଛି । ତାହା ଯଦି ସତ ହୁଏ , ତେବେ ମେସିଙ୍କ ପାଇଁ ବେଶ୍‌ ଗର୍ବର ବିଷୟ ହେବ ।

ମିଡିଆ ରିପୋର୍ଟସ ମୁତାବିକ, ଆର୍ଜେଣ୍ଟିନା ସରକାର ନିଜ ଦେଶରେ ପ୍ରଚଳିତ ହେଉଥିବା ନୋଟରେ ମେସିଙ୍କ ଫଟୋ ବ୍ୟବହାର କରିବାକୁ ନେଇ ବିଚାର କରୁଛନ୍ତି । ଏନେଇ ସେଣ୍ଟ୍ରାଲ୍‌ ବ୍ୟାଙ୍କ ଅଫ୍‌ ଆର୍ଜେଣ୍ଟିନା ସରକାରଙ୍କୁ ଏକ ପ୍ରସ୍ତାବ ଦେଇଛନ୍ତି । ଯେଉଁଥିରେ ହଜାର ଟଙ୍କିଆ ନୋଟ ଉପରେ ମେସିଙ୍କ ଫଟୋ ଲଗାଯିବ ନେଇ ଚର୍ଚ୍ଚା ଜୋର ଧରିଛି । ଏହାପୂର୍ବରୁ ଆର୍ଜେଣ୍ଟିନା ୧୯୭୮ ଓ ୧୯୮୬ରେ ବିଶ୍ୱକପ୍‌ ଟ୍ରଫି ଜିତିଥିଲେ । ୧୯୭୮ର ବିଜୟକୁ ସବୁବେଳେ ମନେ ରଖିବାକୁ ଏକ କଏନ ଜାରି କରିଥିଲା । ଆଉ ଏବେକାର ବିଜୟକୁ ନେଇ ବ୍ୟାଙ୍କ କିଛି ନୂଆ କରିବା ଉପରେ ବିଚାର କରୁଛି ।

ସେଣ୍ଟ୍ରାଲ ବ୍ୟାଙ୍କ ଅଫ୍‌ ଆର୍ଜେଣ୍ଟିନା ପାଖରେ ଅନେକ ବିକଳ୍ପ ରହିଛି । ଯାହାମଧ୍ୟରେ ୧୦୦୦ ଟଙ୍କିଆ ନୋଟ ରହିଛି । ଯେଉଁଥିରେ ବିଶ୍ୱ ବିଜେତା ଫୁଟବଲ୍‌ ଟିମ୍‌ର କ୍ୟାପେଟନ୍‌ ତଥା ମହାନ ଫୁଟବଲର ଲିୟୋନାଲ୍‌ ମେସିଙ୍କ ଫଟୋ ଲଗାଯାଇପାରିବ । ଏହାବ୍ୟତୀତ ଏହି ନୋଟରେ ମେସିଙ୍କ ୧୦ ନମ୍ବର ଜର୍ସିର ଫଟୋ ମଧ୍ୟ ରହିବ । ସେହିପରି ୧୦୦୦ ଟଙ୍କିଆ ନୋଟର ଆରମ୍ଭ ୧୦ରୁ ହିଁ ହେବ ବୋଲି ଚର୍ଚ୍ଚା ହେଉଛି ।

ସୂଚନାଯୋଗ୍ୟ ଯେ, ବିଶ୍ୱକପ୍‌ ଇତିହାସରେ ଆର୍ଜେଣ୍ଟିନା ତୃତୀୟ ଥର ପାଇଁ ଟ୍ରଫି ଜିତିଛି । ଆର୍ଜେଣ୍ଟିନା ଟିମ୍‌ ପ୍ରଥମେ ୧୯୭୮, ପରେ ୧୯୮୬ରେ ବିଶ୍ୱକପ୍‌ ଟ୍ରଫି ଜିତିଥିଲା । ଏହାବ୍ୟତୀତ ତିନି ଥର (୧୯୩୦,୧୯୯୦,୨୦୧୪) ବିଶ୍ୱକପ୍‌ ଫାଇନାଲ୍‌କୁ ଯାଇ ରନର୍ସଅପ୍‌ ମଧ୍ୟ ହୋଇଛି । ଶେଷରେ ୨୦୨୨ରେ ମେସିଙ୍କ ସ୍ୱପ୍ନ ପୂରଣ ହୋଇଛି । ତାଙ୍କ ନେତୃତ୍ୱରେ ଦେଶକୁ ବିଶ୍ୱକପ୍‌ ଜିତିଇପାରିଛନ୍ତି ।

   Related Posts