ଗଂଜାମ ୧୪/୧୦ : ତିତିଲର ପ୍ରଭାବରେ ଅଧିକ ପ୍ରଭାବିତ ହୋଇଛି ଗଞ୍ଜାମ ଜିଲ୍ଲା । ପ୍ରଥମେ ବାତ୍ୟା ଓ ପରେ ବନ୍ୟା ଯୋଗୁ ଲୋକଙ୍କ ସ୍ଥିତି ବେହାଲ୍ ହୋଇଛି । ତେବେ ଆସ୍ତେ ଆସ୍ତେ ବନ୍ୟା ସ୍ଥିତିରେ ସୁଧାର ଆସିଛି । ଆସିକା, ଛତ୍ରପୁର, ଗଞ୍ଜାମ, ଚିକିଟି, ପାତ୍ରପୁର, ଭଞ୍ଜନଗର, ଦିଗପହଣ୍ଡି, ସାନଖେମୁଣ୍ଡି, ପୁରୁଷୋତ୍ତମପୁର ଆଦି ଅଞ୍ଚଳରୁ ପାଣି କମିବାରେ ଲାଗିଛି । ପାଗ ଶୁଖିଲା ରହିଛି। ଗାଆଁ ଓ ବିଭିନ୍ନ ରାସ୍ତାରୁ ପାଣି ଛାଡିଯାଇଛି। ପାଣି ଛାଡିଯିବା ପରେ ନିଜ ନିଜ ଘରକୁ ସଫା ସୁତରା କରୁଛନ୍ତି ସାଧାରଣ ଲୋକେ। ବଜାର ଖୋଲା ରହିଛି। ସେପଟେ ସ୍ଥିତିରେ ସୁଧାର ଆଣିବାକୁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯାଇଛି।