ନୂଆଦିଲ୍ଲୀ ୧।୨: ଗୌତମ ଆଦାନୀ ସମୂହ ଓ ହିଣ୍ଡନବର୍ଗ ବିବାଦ ଯୋଗୁ ଆଦାନୀ ଗ୍ରୁପ ସେୟାର ମୂଲ୍ୟରେ ହ୍ରାସ ଜାରି ରହିଛି। ଏହା ଛଡା ଅଲଗା ଅଲଗା ସେକ୍ଟରର ଅନେକ ଷ୍ଟକ୍ ମଧ୍ୟ ଧରାଶାୟୀ ହୋଇଛି। ଏଥିରେ ହିଣ୍ଡନବର୍ଗ ରିସର୍ଚ୍ଚ ରିପୋର୍ଟ ଆସିବା ପରଠାରୁ ଏଲଆଇସି ସେୟାର ମଧ୍ୟ ଗୁରୁଣ୍ଡୁଥିବାର ଦେଖାଯାଉଛି। ମାତ୍ର ୫ଟି ବ୍ୟବସାୟୀକ ଦିବସରେ ଏଲଆଇସିର ମାର୍କେଟ କ୍ୟାପିଟାଲ ୬୫,୪୦୦ କୋଟି ଟଙ୍କା ହ୍ରାସ ହୋଇଛି।
{"id":740400,"width":839,"height":472,"sizeSlug":"full","linkDestination":"none"}
ଜାନୁୟାରୀ ୨୪ ତାରିଖ ଦିନ କାରବାର ବନ୍ଦ ବେଳକୁ କମ୍ପାନୀର ମାର୍କେଟ୍ କ୍ୟାପ୍ ୪,୪୪,୧୪୧କୋଟି ଟଙ୍କା ଥିଲା। ଯାହା ହ୍ରାସ ହୋଇ ୩,୭୮,୭୪୦ କୋଟି ଟଙ୍କାକୁ ପହଞ୍ଚି ଯାଇଛି। ମାତ୍ର ୫ଟି ବ୍ୟବସାୟୀକ ଦିବସରେ ଏଲଆଇସି ଷ୍ଟକ୍ରେ ୧୪.୭୩ ପ୍ରତିଶତ ହ୍ରାସ ଦେଖାଯାଇଛି। ଏଣୁ ସରକାରୀ ବୀମା କମ୍ପାନୀ ଏଲଆଇସି ସର୍ଟ ସେଲର କମ୍ପାନୀ ହିଣ୍ଡନବର୍ଗ ରିପୋର୍ଟ ଉପରେ ଆଦାନୀ ଗ୍ରୁପକୁ ସ୍ପଷ୍ଟିକରଣ ମାଗିବେ ବୋଲି କହିଛି। ଗତ ସୋମବାର ଏଲଆଇସି କହିଥିଲେ ଯେ ଆଦାନୀ ସମୂହର ବଣ୍ଡ ଓ ଇକ୍ୱିଟିରେ ତାଙ୍କର ୩୬,୪୭୪.୭୮ କୋଟି ଟଙ୍କା ଲାଗିଛି, ଯାହା ବୀମା କମ୍ପାନୀଙ୍କ ମୋଟ ନିବେଶର ୧ ପ୍ରତିଶତରୁ ମଧ୍ୟ କମ୍।
{"id":740401,"width":839,"height":472,"sizeSlug":"full","linkDestination":"none"}
ଏଲଆଇସି ଏକ ଟ୍ୱିଟ୍ରେ ଆଦାନୀ ଗ୍ରୁପ କମ୍ପାନୀମାନଙ୍କରେ ଇକ୍ୱିଟି ଓ ବଣ୍ଡ ଭାବେ ଏ ପର୍ଯ୍ୟନ୍ତ ଆମର ମୋଟ ନିବେଶ ୩୬,୪୭୪.୭୮ କୋଟି ଟଙ୍କା ରହିଛି। ଯାହା ୩୧ ଡିସେମ୍ବର ୨୦୨୨ ପର୍ଯ୍ୟନ୍ତ ୩୫,୯୧୭.୩୧ କୋଟି ଟଙ୍କା ଥିଲା। ସେହିପରି ଗ୍ରୁପର କମ୍ପାନୀମାନଙ୍କରୁ ଗତ କିଛି ବର୍ଷରେ କିଣାଯାଇଥିବା ଇକ୍ୱିଟିର ମୋଟ କ୍ରୟ ମୂଲ୍ୟ ୩୦,୧୨୭ କୋଟି ଟଙ୍କା ବୋଲି ଏଲଆଇସି କହିଛନ୍ତି।
