ଘଷିପୁରା ପଞ୍ଚୁପଲ୍ଲୀ ଗାଁ ନିକଟରେ ବୁଲୁଛି କଲରାପତରିଆ, ସ୍ପଷ୍ଟ କଲା ବନ ବିଭାଗ

Published By : Prameya-News7 Bureau | November 18, 2023 IST

ଆନନ୍ଦପୁର ୧୮।୧୧: କେନ୍ଦୁଝର ଘଷିପୁରା ଥାନା ପଞ୍ଚୁପଲ୍ଲୀ ଗାଁ ନିକଟକୁ ଆସିଥିଲା ବାଘ । ଏକ ଭାଇରାଲ ଭିଡିଓରୁ  କଲରାପତରିଆ ବାଘ ଏହି ଅଞ୍ଚଳରେ ବୁଲୁଥିବା ସ୍ପଷ୍ଟ କରିଛି ବନ ବିଭାଗ । ପଞ୍ଚୁପଲ୍ଲୀ ଗାଁ ନିକଟରେ ବାଘ ବୁଲୁଥିବା ନେଇ ସ୍ପଷ୍ଟ କରିଛି ବନ ବିଭାଗ । ଆସିଥିବା ବାଘ ଏକ ମଧ୍ୟବୟସ୍କ କଲରାପତରିଆ ବାଘ ହୋଇଥିବା ଆନନ୍ଦପୁର ଡିଏଫଓ ଅଭୟ କୁମାର ଦଳେଇ ସୂଚନା ଦେଇଛନ୍ତି । ବାଘଟି ହଦଗଡ ଜଙ୍ଗଲରୁ ଆସି ପୁଣି ଥରେ ସେହି ଜଙ୍ଗଲକୁ ଫେରି ଯାଇଥିବା ଅନୁମାନ କରାଯାଇଥିବା ବେଳେ ଗାଁ ଲୋକ ସତର୍କ କରିଛି ବନ ବିଭାଗ । ଗାଁ ନିକଟରେ ବାଘ ଆସିଥିବା ଏହି ଭାଇରାଲ ଭିଡିଓକୁ ପ୍ରଥମେ ସମସ୍ତେ ଅଣଦେଖା କରୁଥିଲେ । ହେଲେ ବନ ବିଭାଗ କଥାକୁ ଗୁରୁତ୍ବର ସହ ନେଇ ପ୍ରକୃତ ସତକୁ ସାମ୍ନାକୁ ଆଣିଛି ।

ସମବାୟ ସମିତିରେ କାର୍ଯ୍ୟରତ ଦୁଇ ଯୁବକ ଗାଁଠାରୁ କିଛି ଦୂରରେ ଥିବା ଲେକଙ୍କ ଚାଷ ଜମି ବୁଲି ଦେଖିବା ସମୟରେ ବାଘ ବିଲ ମଧ୍ୟରେ ଯାଉଥିବା ଦେଖି ଭିଡିଓ ଉତ୍ତୋଳନ କରିଥିଲେ । ଗତକାଲି ଏହି ଭିଡିଓ ଭାଇରାଲ ହେବା ପରେ ବନ ବିଭାଗ ତରଫରୁ ଆରମ୍ଭ ହୋଇଥିଲା ଖୋଳତାଡ । ଶେଷରେ ପାଦଚିହ୍ନରୁ ସ୍ପଷ୍ଟ ହୋଇଥିବା ଭିଡିଓରେ ଥିବା ଜନ୍ତୁଟି ଏକ ମଧ୍ୟ ବୟସ୍କ କଲରାପତରିଆ ବାଘ ।

ଗାଁ ନିକଟରୁ ବାଘ ଆସିଥିବା ଜାଣି ଚିନ୍ତାରେ ଏବେ ଗାଁ ଲୋକ । କାରଣ ଏଠାକାର ଲୋକେ ମୁଖ୍ୟତଃ ଚାଷ ଉପରେ ନିର୍ଭର କରୁଥିବା ବେଳେ ବିଲବାଡିକୁ ଲୋକଙ୍କ ଯାତାୟତ ଲାଗିରହିଥାଏ । ତେବେ ଏହିଭଳି ଭାବେ ବାଘ ଯାତାୟତ କଲେ ଲୋକଙ୍କ ଚାଷବାସ କାମ ବାଧା ସୃଷ୍ଟି ଆଶଙ୍କା ସୃଷ୍ଟି ହୋଇଛି । ଅନ୍ୟପଟେ ଗତ ୧୫ ତାରିଖ ସନ୍ଧ୍ୟାରେ ଗାଁନିକଟକୁ ଆସିଥିବା ବାଘଟି ପୁଣି ଥରେ ବୈତରଣୀ ନଦୀ ପାରି ହୋଇ ହଦଗଡ ଜଙ୍ଗଲକୁ ଫେରିଯାଇଥିବା ଜଣାପଡିଛି । ନଦୀ ନିକଟରେ ଥିବା ବାଦାମ କ୍ଷେତରେ ପଡିଥିବା  ବାଘର ପାଦ ଚିହ୍ନକୁ ନେଇ ବନ ବିଭାଗ ବାଘ ଫେରିଥିବା କଥା ସ୍ପଷ୍ଟ କରିଛି । ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ଲୋକଙ୍କୁ ସତର୍କ ରହିବା ସହ ସନ୍ଧ୍ୟାରେ କେହି ଏକାକୀ ବାହାରକୁ ବାହାରିବାକୁ ବାରଣ କରାଯାଇଛି । ଆବଶ୍ୟକ ପଡିଲେ ଦଳଦଳ ହୋଇ ବାହାରକୁ ଯିବାକୁ ପରାମର୍ଶ କରିଛି ବନ ବିଭାଗ । ଅଧିକ ଅନୁସନ୍ଧାନ ପାଇଁ ବିଭାଗ ତରଫରୁ ବାଘର ପାଦଚିହ୍ନକୁ କାଷ୍ଟିଂ କରି ପରୀକ୍ଷା ପାଇଁ ପଠାଯିବାର ବନ ବିଭାଗ ବ୍ୟବସ୍ଥା କରିଛି ।

You Can Read :

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.