ବାଲେଶ୍ୱର ୧୪।୦୪ : ବାଲେଶ୍ୱର ପାଇଁ ବିଜୁ ଜନତା ଦଳର ଘୋଷିତ ସଂସଦୀୟ ପ୍ରାର୍ଥୀନୀ ଲେଖାଶ୍ରୀ ସାମନ୍ତସିଂହାର ପ୍ରଚାର ଅଭିଯାନ ଆରମ୍ଭ କରିଛନ୍ତି । ଏନେଇ ଦଳର ନେତା ଓ କର୍ମୀଙ୍କ ସହ  ଶ୍ରୀମତୀ ସାମନ୍ତସିଂହାର ସ୍ଥାନୀୟ ରେମୁଣା କ୍ଷୀରଚୋରା ଗୋପୀନାଥ ମନ୍ଦିରରେ ପୂଜାର୍ଚ୍ଚନା କରିଥିଲେ । 

ତେବେ ଏହି ଅବସରରେ ସଦର ବିଧାୟକ ସ୍ବରୂପ କୁମାର ଦାସ, ବ୍ରିଟ ଅଧ୍ୟକ୍ଷ ଆଲୋକ ସାହୁ, ଜିଲ୍ଲା ପରିଷଦ ଅଧ୍ୟକ୍ଷ ନାରାୟଣ ପ୍ରଧାନ, ସଦର ବ୍ଲକ ଅଧ୍ୟକ୍ଷା ସୁନୀତା ବେହେରା, ରେମୁଣା ବ୍ଲକ ଅଧ୍ୟକ୍ଷ ରାଜେନ୍ଦ୍ର ରାଉତ, ବାଲେଶ୍ଵର ପୌରାଧ୍ୟକ୍ଷା ସବିତା ସାହୁ, ରେମୁଣା ଏନଏସି ଅଧ୍ୟକ୍ଷା ତନୁଜା ଗିରି ପ୍ରମୁଖଙ୍କ ସମେତ ପଞ୍ଚାୟତସ୍ତରୀୟ ନିର୍ବାଚିତ ଲୋକ ପ୍ରତିନିଧି, ସଂସଦୀୟ କ୍ଷେତ୍ର ଅଧୀନ ସମସ୍ତ ବିଧାନସଭା ନିର୍ବାଚନମଣ୍ଡଳୀର ଦଳୀୟ କାର୍ଯ୍ୟକର୍ତ୍ତା ଶ୍ରୀମତୀ ସାମନ୍ତସିଂହାରଙ୍କୁ ପୁଷ୍ପ ଗୁଚ୍ଛ ଦେଇ ସ୍ବାଗତ ଜଣାଇଥିଲେ I