ନୂଆଦିଲ୍ଳୀ, ୦୬/୦୨: ଭାରତୀୟ ନୌସେନା ପାଇଁ ଐତିହାସିକ ଦିନ। ଆତ୍ମନିର୍ଭର ଭାରତ ଦିଗରେ ଭାରତକୁ ବଡ଼ ସଫଳତା। ସୋମବାର ନୌସେନାର ପାଇଲଟ୍ ଆଇଏନଏସ ବିକ୍ରାନ୍ତରେ ହାଲୁକା ଲଢ଼ୁଆ ବିମାନ ଏଲସିଏ (ନୌସେନା) ର ସଫଳ ଭାବରେ ଅବତରଣ କରିଛନ୍ତି। ଆଉ ଏହି ସଫଳତା ସ୍ବଦେଶୀ ଲଢ଼ୁଆ ବିମାନ ସହ ସ୍ବଦେଶୀ ବିମାନ ବାହକକୁ ଡିଜାଇନ୍‌, ବିକଶିତ, ନିର୍ମାଣ କରିବାରେ ଭାରତର କ୍ଷମତାକୁ ଦର୍ଶାଇଛି।

ସୂଚନାଥାଉ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ପ୍ରଥମ ସ୍ବଦେଶୀ ନିର୍ମିତ ଏୟାରକ୍ରାଫ୍ଟ କ୍ୟାରିୟର (ଆଇଏଏସି) କୁ ୨ ସେପ୍ଟେମ୍ବରରେ ନୌସେନାରେ ସାମିଲ କରିଥିଲେ। ସାମୁଦ୍ରିକ ପରୀକ୍ଷଣର ଚତୁର୍ଥ ଏବଂ ଶେଷ ପର୍ଯ୍ୟାୟକୁ ସଫଳତାପୂର୍ବକ ଶେଷ କରିବା ପରେ ଭାରତୀୟ ନୌସେନା ୨୮ ଜୁଲାଇରେ ସିଏସଏଲ ସହ ଏହି ଏୟାରକ୍ରାଫ୍ଟ କ୍ୟାରିୟରକୁ ହାସଲ କରିଥିଲା।

Historical milestone achieved towards #AatmaNirbharBharat by #IndianNavy as Naval Pilots carry out landing of LCA(Navy) on @IN_R11Vikrant. Demonstrates #India’s capability to design, develop, construct & operate #IndigenousAircraftCarrier with indigenous Fighter Aircraft. pic.twitter.com/3HuwuGrZtx

— SpokespersonNavy (@indiannavy) February 6, 2023

ଏୟାରକ୍ରାଫ୍ଟ କ୍ୟାରିୟର (ବିମାନ ବାହକ ଯୁଦ୍ଧ ଜାହଜ) ପାଇଁ ଯୁଦ୍ଧ ବିମାନ ଅଣାଯାଇଛି। ଏହି ମିଗ୍-୨୯ ର ଲଢ଼ୁଆ ବିମାନ, କାମୋଭ-୩୧ ହେଲିକପ୍ଟର ଏବଂ ଏମଏଚ-୬୦ ଆର ହେଲିକପ୍ଟରର ସଞ୍ଚାଳନ କରିବାକ ପାଇଁ ପ୍ରସ୍ତୁତ।

ବିକ୍ରାନ୍ତ ଆସିବା ସହ ଭାରତ ସେହି ନିର୍ଦ୍ଦିଷ୍ଟ ଦେଶ ସମୂହରେ ସାମିଲ୍‌ ହୋଇଛି ଯାହାଙ୍କ ପାଖରେ ସ୍ବଦେଶୀ ଏୟାରକ୍ରାଫ୍ଟ କ୍ୟାରିୟରକୁ ଡିଜାଇନ କରିବା ସହ ଏହାର ନିର୍ମାଣ କ୍ଷମତା ରହିଛି। ଭାରତୀୟ ନୌସେନାର ଶାଶ ନବଲ ଡିଜାଇନ ନିର୍ଦେ୍ଦଶାଳୟ (ଡିଏନଡି) ଦ୍ବାରା ଡିଜାଇନ କରାଯାଇଥିଲା ଏହି ଏୟାରକ୍ରାଫ୍ଟ କ୍ୟାରିୟରର ନିର୍ମାଣ ସିଏଲଏଲ କରିଛି।