scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ତେଜିଲା ଓକିଲ ସଂଘର ବିବାଦ ; କାର୍ଯ୍ୟରେ ଯୋଗଦେବାକୁ ଯାଉଥିବା ବିଜେଡି ଲିଗାଲ ଫ୍ରଣ୍ଟ ଓକିଲଙ୍କୁ ଆନ୍ଦୋଳନରତ ଓକିଲଙ୍କ ବିରୋଧ

29/10/2018 at 1:05 PM

କଟକ ୨୯|୧୦: ତେଜିଲା ଓକିଲ ସଂଘର ବିବାଦ । ଆଜି ହାଇକୋର୍ଟରେ କାର୍ଯ୍ୟରେ ଯୋଗଦେବାକୁ ଯାଉଥିବା ବିଜେଡି ଲିଗାଲ ଫ୍ରଣ୍ଟ ଓକିଲଙ୍କୁ ଆନ୍ଦୋଳନରତ ଓକିଲମାନେ ବିରୋଧ କରିଛନ୍ତି । ଫଳରେ ସେଠାରେ ଦୁଇ ପକ୍ଷ ଓକିଲଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ସେମାନଙ୍କ ମଧ୍ୟରେ ଧସ୍ତାଧସ୍ତି ଓ ଠେଲାପେଲା ହୋଇଛି । ବିଜେଡି ଲିଗାଲ ଫ୍ରଣ୍ଟର ସଦସ୍ୟ ଥିବା ପ୍ରାୟ ୩୦ହଜାର ଓକିଲ ଆଜି କାର୍ଯ୍ୟରେ ଯୋଗ ଦେଉଛନ୍ତି । ଆନ୍ଦୋଳନରୁ ଓହରିବା ନେଇ ବିଜେଡି ଲିଗାଲ ଫ୍ରଣ୍ଟ ପକ୍ଷରୁ ଘୋଷଣା କରାଯାଇଥିଲା । ଏହାକୁ ନେଇ ହାଇକୋର୍ଟ ମୁଖ୍ୟ ଫାଟକ ସମ୍ମୁଖରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି । ସୁରକ୍ଷା ଦୃଷ୍ଟିରୁ ହାଇକୋର୍ଟ ନିକଟରେ ୨୫ପ୍ଲାଟୁନ୍ ପୋଲିସ ଫୋର୍ସ ମୁତୟନ ହୋଇଛନ୍ତି ।

ସେପଟେ ବିଭିନ୍ନ ଜେଲରେ ବନ୍ଦୀ ଥିବା ବିଚାରାଧୀନ କଏଦୀଙ୍କ ଜାମିନ ନେଇ ବାଟ ଫିଟିଲା । ହାଇକୋର୍ଟଙ୍କ ନିର୍ଦ୍ଦେଶ କ୍ରମେ କଟକ ଚୌଦ୍ବାର ସର୍କଲ ଜେଲରେ ଆରମ୍ଭ ହୋଇଛି କ୍ୟାମ୍ପ କୋର୍ଟ । କଟକ ରୁରାଲ ଜେଏମଏଫସି ଏବଂ ଏସଡିଜେମ୍ ପହଞ୍ଚି କ୍ୟାମ୍ପ କୋର୍ଟ ଆରମ୍ଭ କରିଛନ୍ତି । ଓକିଲଙ୍କ ଆନ୍ଦୋଳନ ଯୋଗୁଁ ଜାମିନ୍ ହୋଇପାରୁନାହିଁ, ଯାହା ଫଳରେ ଜେଲ ହିଁ ପାଲଟିଛି ବିଚାରଧିନ ଶହ ଶହ କଏଦୀଙ୍କ ଠିକଣା । ଏଭଳି ସ୍ଥିତିରେ ଜେଲ୍ ଭିତରେ କଏଦୀ ବିନା ଦଣ୍ଡବିଧାନରେ ସଜା କାଟୁଛନ୍ତି ଏବଂ ବାହାରେ ପରିବାର ଲୋକ ଛଟପଟ ହେଉଛନ୍ତି । ଏଥିପାଇଁ ଜେଲରେ କ୍ୟାମ୍ପ କୋର୍ଟ ଖୋଲିବାକୁ ହାଇକୋର୍ଟଙ୍କ ନିର୍ଦ୍ଦେଶ ଦେଇଛନ୍ତି । କ୍ୟାମ୍ପ୍ କୋର୍ଟରେ କେବଳ ଜାମିନ୍ ଆବେଦନର ଶୁଣାଣି ହେବ । ଜାମିନ ଆବେଦନ ଉପରେ ଆଇନ ଅନୁଯାୟୀ ପଦକ୍ଷେପ ନିଆଯିବ ।

   Related Posts