କୋରାପୁଟ ୯|୧୦:  ପୁଣି ଜୋର ଧରିଲା ଜୟପୁରରେ ହାଇକୋର୍ଟ ବେଞ୍ଚ୍ ପ୍ରତିଷ୍ଠା ଦାବି। ଦୀର୍ଘ ବର୍ଷ ହେବ ଏହି ଦାବି ହୋଇଆସୁଥିବା ବେଳେ ଜୟପୁରରେ ଓକିଲ ମାନେ ପ୍ରତିକାତ୍ମକ ଭାବେ ପ୍ରତି ମାସର ଶେଷ ୨ ଦିନ କୋର୍ଟ ବର୍ଜନ କରି ଆସୁଛନ୍ତି । ତଥାପି ସେମାନଙ୍କ ଦାବି ପୂରଣ ହେଉନଥିବାରୁ ଆଗକୁ ଆନ୍ଦୋଳନ ଜୋରଦାର କରିବାକୁ ନିଷ୍ପତ୍ତି ନେଇଛି ଜିଲ୍ଲା ଓକିଲ ସଂଘ । ଏନେଇ ଆଜିଠାରୁ ଜୟପୁରରେ ଓକିଲ ମାନଙ୍କ ତରଫରୁ ଆରମ୍ଭ ହୋଇଛି ୪ ଦିନିଆ କାର୍ଯ୍ୟବନ୍ଦ ଆନ୍ଦୋଳନ। ଜୟପୁରର ସମସ୍ତ ଓକିଲ ଆଜି ଏକତ୍ରିତ ହୋଇ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣାରେ ବସିଛନ୍ତି । ଦାବି ତୁରନ୍ତ ପୂରଣ ନହେଲେ ଆଗକୁ ଦୋକାନ ବଜାର ବନ୍ଦ କରିଯିବା ସହ ବଡ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛି ସଂଘ।