ଭୁବନେଶ୍ବର ୪|୯: ଗତକାଲି ଲାଂଚନେଇ ଧରାପଡିଥିବା ଜଟଣୀ ଆଇ.ଆଇ.ସି ସଂଜୀବ ମହାନ୍ତିଙ୍କୁ ଆଜି କୋର୍ଟରେ ହାଜର କରାଯିବା ସମୟରେ କୋର୍ଟ ପରିସରରେ ସେ ଆକ୍ରମଣର ଶିକାର ହୋଇଥିଲେ। ଆଉ ତାଙ୍କୁ କିଛି ଓକିଲ ଘେରିଯାଇଥିଲେ। କଟକରେ ଓକିଲ-ପୋଲିସ ଗଣ୍ଡଗୋଳର ପ୍ରଭାବ ନା ଦୁର୍ନୀତିକୁ ବିରୋଧ ଯୋଗୁଁ ଏପରି ହୋଇଛି ତାହା ସ୍ପଷ୍ଟ ହୋଇନାହିଁ। ତେବେ ଜଣେ ଦୁର୍ନୀତିଗ୍ରସ୍ତ ପୋଲିସ କର୍ମଚାରୀଙ୍କୁ ଓକିଲ ସାହାଯ୍ୟ ନଦେବାକୁ ଏଲାନ କରାଯାଇଥିବା ଓକିଲମାନେ କହିଛନ୍ତି । ଗତକାଲି ୫୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍‌ସ ହାତରେ ଧରାପଡ଼ିଥିଲେ ଆଇଆଇସି ସଂଜୀବ ମହାନ୍ତି । କିନ୍ତୁ କୋର୍ଟ ପରିସରରେ ତାଙ୍କୁ କିଛି ଲୋକ ଠେଲାପେଲା କରିଥିବା ବେଳେ ଓକିଲଙ୍କ ଆକ୍ରୋଶର ମଧ୍ୟ ଶିକାର ହୋଇଥିଲେ ସଂଜୀବ ମହାନ୍ତି । ସେପଟେ ଲାଞ୍ଚୁଆ ପୋଲିସ କର୍ମଚାରୀଙ୍କୁ ସତର୍କ କରିଦେଇଛନ୍ତି ପୋଲିସ କମିଶନର ସତ୍ୟଜିତ ମହାନ୍ତି । ଏଣିକି ପୋଲିସର ଇମେଜକୁ ଆଞ୍ଚ ଆଣୁଥିବା ଖାକି ବାବୁଙ୍କୁ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରାଯିବ। ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠନ ନିଆଯିବ ବୋଲି ଚେତାଇ ଦେଇଛନ୍ତି ପୋଲିସ କମିଶନର।