oroinfra
maganna
EVOS_WebBanner_728X90
oroinfra
ChampionMaganna_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୋହନା: ଲଗାଣ ବର୍ଷାରେ ଭୁଶୁଡ଼ିଲା କାନ୍ଥ, ଅଳ୍ପକେ ବର୍ତ୍ତିଲେ ପରିବାରର ୪ ସଦସ୍ୟ
  • ||
  • କେନ୍ଦ୍ର ଉପରେ ବର୍ଷିଲେ ସତ୍ୟପାଲ ମଲିକ୍, କହିଲେ ମୁଁ ଏବେ ସ୍ୱାଧୀନ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୩ କୋଭିଡ୍ ପଜିଟିଭ୍
  • ||
  • ମୁମ୍ୱାଇ: ଜଣାଶୁଣା ଅଭିନେତା ଅରୁଣ ବାଲୀଙ୍କ ନିଧନ, ୭୯ ବର୍ଷ ବୟସରେ ପରଲୋକ
  • ||
  • ରାଜ୍ୟର ବିଭିନ୍ନ ସ୍ଥାନରେ ତୁହାକୁ ତୁହା ବର୍ଷା, ଆସୁଛି ଘୁର୍ଣ୍ଣିବଳୟ
  • ||
  • ଭଦ୍ରକ: ଧାମନଗର ଉପନିର୍ବାଚନ ପାଇଁ ଶୁକ୍ରବାରଠୁ ନାମାଙ୍କନ ଦାଖଲ, ୧୫ରେ ଯାଞ୍ଚ
  • ||
  • ଚାନ୍ଦବାଲୀ: ପଦ୍ମାବତୀ ଟ୍ରଲରରେ ଅଗ୍ନିକାଣ୍ଡ ଘଟଣା, ୧୦ ଘଣ୍ଟା ପରେ ଉଦ୍ଧାର ହେଲେ ୧୦ ଧୀବର
  • ||

ସମବାୟ କ୍ଷେତ୍ରକୁ ସୁଦୃଢ କରିବାକୁ ବଡ ପଦକ୍ଷେପ : ଶୁଭାରମ୍ଭ ହେଲା ‘ଡାଏରୀ ସହକାର’ ଯୋଜନା, ୫ହଜାର କୋଟି ଟଙ୍କା ଖର୍ଚ୍ଚ କରିବେ କେନ୍ଦ୍ର ସରକାର

1/11/2021 at 7:51 PM

ନୂଆଦିଲ୍ଲୀ ୦୧/୧୧ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ‘କୋପରେସନ୍‌ ଟୁ ପ୍ରସପିରିଟି’ (ସହଯୋଗରୁ ସମୃଦ୍ଧତା) ଭିଜନକୁ ସଫଳ କରିବା ପାଇଁ ଆରମ୍ଭ ହୋଇଛି ‘ଡାଏରୀ ସହକାର’ ଯୋଜନା । ଏହି ଯୋଜନାକୁ ଶୁଭାରମ୍ଭ କରିଛନ୍ତି କେନ୍ଦ୍ର କୋପରେସନ୍‌ ମନ୍ତ୍ରୀ ଅମିତ ଶାହା ଏବଂ କେନ୍ଦ୍ର ମତ୍ସ୍ୟ, ପଶୁପାଳନ ଏବଂ ଦୁଗ୍ଧ ମନ୍ତ୍ରୀ ପାର୍ଶୋତ୍ତମ ରୁପାଲା । ଦେଶରେ ସମବାୟ ଦୁଗ୍ଧ ବ୍ୟବସାୟକୁ ଉତ୍ସାହିତ କରିବା ପାଇଁ ୫୦୦୦ କୋଟି ଟଙ୍କା ବିନିଯୋଗ କରିବାକୁ ଲକ୍ଷ ରଖିଛନ୍ତି କେନ୍ଦ୍ର ସରକାର । ଏହା ଦ୍ବାରା ଚାଷୀମାନେ ଉପକୃତ ହେବା ସହିତ ଦେଶର ଅର୍ଥନୀତି ସୁଦୃଢ ହେବା ଦିଗରେ ଏହା ସହାୟକ ହେବ ବୋଲି ଶାହା କହିଛନ୍ତି ।

ଦୁଗ୍ଧ ବ୍ୟବସାୟ ସହ ଜଡିତ ସମବାୟ ସମିତି ପାଇଁ ଏକ ବିସ୍ତୃତ ଯୋଜନା ଆରମ୍ଭ କରାଯାଇଛି । ଭାରତ ସରକାରଙ୍କ ପଶୁପାଳନ ଏବଂ ଦୁଗ୍ଧ ବିଭାଗ ସହଭାଗିତାରେ ଜାତୀୟ ସମବାୟ ବିକାଶ ନିଗମ (ଏନସିଡିସି) ଦ୍ୱାରା ଏହା ପ୍ରସ୍ତୁତ କରାଯାଇଛି । ଏହି ଯୋଜନା ଆରମ୍ଭ କରିବା ପୂର୍ବରୁ ଗୁଜୁରାଟର ଆନନ୍ଦରେ ଦୁଗ୍ଧ ସମବାୟ କମ୍ପାନୀ ଅମୁଲର ୭୫ତମ ପ୍ରତିଷ୍ଠା ଦିବସ ପାଳନରେ ଯୋଗ ଦେଇ ଶାହା କହିଛନ୍ତି, ଭାରତକୁ ୫ ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରିବାରେ ଦୁଗ୍ଧ କ୍ଷେତ୍ର ଏବଂ ସମବାୟ ସମିତିର ପ୍ରମୁଖ ଭୂମିକା ରହିଛି। ତେଣୁ ଏଗୁଡିକ ଆତ୍ମ ନିର୍ଭର ହେବା ଆବଶ୍ୟକ ।ଏହାକୁ ଦୃଷ୍ଟିରେ ରଖି ଏହି ଯୋଜନାର ଶୁଭାରମ୍ଭ କରାଯାଇଛି ।

ଅମିତ ଶାହା କହିଛନ୍ତି, ‘କୃଷି ଏବଂ ପଶୁପାଳନ ଭଳି କ୍ଷେତ୍ରକୁ ସଶକ୍ତ କରିବା ପାଇଁ ଆମକୁ ଏହି ସହଯୋଗୀ ମଡେଲକୁ କାର୍ଯ୍ୟକାରୀ କରିବା ଆବଶ୍ୟକ । ଏଥିପାଇଁ କେନ୍ଦ୍ର ସରକାର ଏନ୍‌ସିଡିସି ଜରିଆର ୫ ହଜାର କୋଟି ଟଙ୍କା ବିନିମୟରେ “ଡାଏରୀ ସହକାର”ର ଶୁଭାରମ୍ଭ କରିଛନ୍ତି । ସର୍ଦ୍ଦାର ବଲ୍ଲଭ ଭାଇ ପଟେଲ ଏବଂ ତ୍ରିଭୁବନ ପଟେଲଙ୍କ ମାର୍ଗଦର୍ଶନରେ ୧୯୪୬ ମସିହାରେ ଗୁଜୁରାଟ ଆନନ୍ଦରେ ପ୍ରଥମେ ଅମୁଲ ଆରମ୍ଭ ହୋଇଥିଲା’ ।

ବିଗତ ଦିନରେ ଦେଶର ଅର୍ଥନୀତିକୁ ସୁଦୃଢ କରିବା ଦିଗରେ ଅମୁଲ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲା । ଗ୍ରାମାଞ୍ଚଳରେ ରହୁଥିବା ଲୋକମାନଙ୍କ ପାଇଁ ଏହା ବେଶ ସହାୟକ ହୋଇଥିଲା । ଦୁଗ୍ଧ ହେଉଛି ଭାରତର ସବୁଠାରୁ ବଡ କୃଷି ବ୍ୟବସାୟ ଏବଂ ଭାରତୀୟ ଅର୍ଥନୀତିରେ ଏକ ପ୍ରମୁଖ ଯୋଗଦାନକାରୀ ବୋଲି ଡାଏରୀ ସାହାକର ଯୋଜନା ପ୍ରସ୍ତୁତ କରି କେନ୍ଦ୍ର ସହଯୋଗ ମନ୍ତ୍ରଣାଳୟର ସମବାୟ ସମିତି ଏନସିଡିସିକୁ ପ୍ରଶଂସା କରିଛନ୍ତି ମନ୍ତ୍ରୀ ପାର୍ଶୋତ୍ତମ ରୁପାଲା ।

ଦୁଗ୍ଧ ସାହାକର ଅଧୀନରେ ଏନ୍‌ସିଡିସି ୫ ହଜାର କୋଟି ଟଙ୍କା ନିବେଶ କରିବାକୁ ଲକ୍ଷ୍ୟ ରଖିଛି । ପଶୁପାଳନ ଏବଂ ଦୁଗ୍ଧ ପରି ଅନ୍ୟ କେନ୍ଦ୍ର ସରକାରୀ ମନ୍ତ୍ରଣାଳୟର ସମ୍ମିଶ୍ରଣ ସହିତ ଏହା ଅଧିକ ବୃଦ୍ଧି ପାଇବ । ସରକାରୀ ମନ୍ତ୍ରାଳୟ ଯେପରିକି ପଶୁପାଳନ ଏବଂ ଦୁଗ୍ଧ ଚାଷ ପାଇଁ ଏହି ଯୋଜନା ବେଶ ସହାୟକ ହେବ ବୋଲି NCDCର ପରିଚାଳନା ନିର୍ଦେଶକ ସନ୍ଦୀପ କୁମାର ନାୟକ କହିଛନ୍ତି ।

NCDCର ପରିଚାଳନା ନିର୍ଦେଶକ ସନ୍ଦୀପ କୁମାର ନାୟକ କହିଛନ୍ତି, ଏହି ଯୋଜନା ସହ ଅନ୍ୟାନ୍ୟ କେନ୍ଦ୍ରୀୟ ଯୋଜନା ମଧ୍ୟ ଲାଗୁହେବ । ଏହି ଯୋଜନାରେ ଅନ୍ତର୍ଭୁକ୍ତ ହେବାକୁ ଥିବା ଚାଷୀମାନଙ୍କ ପାଇଁ ସରକାରଙ୍କ ପକ୍ଷରୁ ବିଶେଷ ସୁବିଧାସୁଯୋଗ ଯୋଗାଇ ଦିଆଯିବ ।୫ ରୁ ୧୦ ବର୍ଷର ଋଣ ଯୋଗାଇ ଦିଆଯିବ । ଏହି ଯୋଜନା ୨୦୨୧-୨୨ ରୁ ୨୦୨୫-୨୬ ଯାଏଁ ୫ ବର୍ଷ ଧରି ଚାଲୁ ରହିବ ।

   Related Posts