ମୁମ୍ଵାଇ ୦୬।୦୨: ଭାରତର କୋକିଳ କଣ୍ଠି ତଥା ଭଏସ ଅଫ ଦ ମିଲେନିୟମ ଲତା ମଙ୍ଗେଶକରଙ୍କ ଆଜି ପ୍ରଥମ ଶ୍ରାଦ୍ଧ ବାର୍ଷିକୀ । ୨୮ ସେପଟେମ୍ବର ୧୯୨୯ରେ ଇନ୍ଦୋରରେ ଜନ୍ମଗ୍ରହଣ କରିଥିବା ଲତା ମଙ୍ଗେସକର। ଗତବର୍ଷ ଆଜିର ଦିନରେ ଶେଷ ନିଶ୍ଵାସ ତ୍ୟାଗ କରିଥିଲେ । ସେ ଆଉ ନାହାନ୍ତି ସତ ହେଲେ ଆଜି ବି ସମସ୍ତଙ୍କ ମନରେ ଅଛନ୍ତ । ଏବସ ତାଙ୍କ ସମସ୍ତ ଗୀତରେ ମଧ୍ୟ ଅମର । ୮ ଦଶନ୍ଧୀ ଧରି ପ୍ଲେ ବ୍ୟାକ୍ ସିଙ୍ଗର ଲତା ଦିଦିଙ୍କ ଲୋକପ୍ରିୟ ଗୀତରେ ଝୁମିଛନ୍ତି ଶ୍ରୋତା । ଆଜି ବି ତାଙ୍କ ପ୍ରତିଟି ଗୀତ ସମସ୍ତଙ୍କ ମୁହଁରେ ରହିଛି । ତେବେ ଲତା ମଙ୍ଗେସକରଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅବସରରେ ପୁଣି ମଡେ ପଡିଛନ୍ତି ।

ଯେତେବେଳେ ଲତା ଦିଦି ୨୦ ବର୍ଷରେ ହୋଇଥିଲେ। ସେ ଦିନକୁ ଛଅରୁ ଆଠଟି ଗୀତ ରେକର୍ଡ କରୁଥିଲେ । ପ୍ରତିଦିନ ଗୀତ ରେକର୍ଡିଂ କରିବା ପରେ କ୍ଳାନ୍ତ ହୋଇ ନିଜ କୋଠରୀରେ ଶୋଇବାକୁ ଯାଉଥିଲେ, ସେତେବେଳେ ସେ ଏକ ସ୍ୱପ୍ନ ଦେଖୁଥିଲେ। ଲତା ମଙ୍ଗେଶକର କ୍ରମାଗତ ଭାବରେ ଏହି ସ୍ୱପ୍ନ ଦ୍ୱାରା ବିଭ୍ରାନ୍ତ ହେଉଥିଲେ। ଏହା ପରେ ସେ ଏହି ସ୍ୱପ୍ନକୁ ନିଜ ମାତାଙ୍କୁ କହିଥିଲେ। ସେ ତାଙ୍କ ମାଆଙ୍କୁ କହିଥିଲେ ଯେ ସେ ସ୍ୱପ୍ନ ଦେଖନ୍ତି ଯେ ସେ ସକାଳେ ସମୁଦ୍ର ନିକଟରେ ଥିବା କଳା ପଥର ମନ୍ଦିରରେ ଏକାକୀ ଛିଡ଼ା ହୋଇଛନ୍ତି ଏବଂ ସେ ଜାଣନ୍ତି ଯେ ମନ୍ଦିର କେଉଁ ଦେବୀଙ୍କୁ ସମର୍ପିତ ।

ତାଙ୍କ ସ୍ୱପ୍ନକୁ ବର୍ଣ୍ଣନା କରି ଲତା ମଙ୍ଗେଶକର ତାଙ୍କ ମାତାଙ୍କୁ କହିଥିଲେ ଯେ ଯେତେବେଳେ ସେ ମନ୍ଦିର ନିକଟରେ ପହଞ୍ଚନ୍ତି, ସେତେବେଳେ ସେ ଦେଖୁଥଲେ ଯେ ମନ୍ଦିର ପଛରେ ମଧ୍ୟ ଏକ କବାଟ ଅଛି। ଯେତେବେଳେ ସେ ସେହି କବାଟ ଖୋଲିଲେ, କିଛି କଳା ପଥର ପାହାଚ ତଳକୁ ଯାଉଥିଲା, ଯେଉଁଥିରେ ରଙ୍ଗୀନ ଜଳ ଦେଖାଯାଉଥିଲା । ସେହି ସିଢିର ରଙ୍ଗୀନ ପାଣି ତାଙ୍କ ପାଦକୁ ସ୍ପର୍ଶ କରୁଥିଲା । ଏହି ସ୍ୱପ୍ନ ବିଷୟରେ ତାଙ୍କ ମାଆଙ୍କୁ କହିବା ପରେ ସେ ତାଙ୍କୁ ପଚାରିଲେ ଏହାର ଅର୍ଥ କ’ଣ?

ତାଙ୍କ ମା ଉତ୍ତରରେ କହିଥିଲେ, ଲତା ଏହା ଭଗବାନଙ୍କ ଆଶୀର୍ବାଦ ଅଟେ। ଦେଖ, ଦିନେ ତୁମେ ବହୁତ ପ୍ରସିଦ୍ଧ ହେବ। ଏହା ପରେ ଲତା ଦିଦିଙ୍କ କଠିନ ପରିଶ୍ରମ ଏବଂ ସଂଘର୍ଷ ତାଙ୍କୁ ଏପରି ସ୍ଥିତିରେ ପହଞ୍ଚାଇ ଦେଇଥିଲା । ଏହା ପରଠାରୁ ସେ ଆଉ ପଛକୁ ଚାହିଁ ନଥିଲେ। ତାଙ୍କ ପିଲାଦିନରେ ତାଙ୍କ ମାଆଙ୍କ ଦ୍ଵାରା କୁହାଯାଇଥିବା ଶବ୍ଦଗୁଡ଼ିକ ସତ୍ୟ ହେଲା । ୨୦୦୧ ମସିହାରେ ଲତା ଦିଦିଙ୍କୁ ଭାରତର ସର୍ବୋଚ୍ଚ ସମ୍ମାନ ‘ଭାରତ ରତ୍ନ’ ପ୍ରଦାନ କରାଯାଇଥିଲା।