ନୂଆଦିଲ୍ଲୀ: ସେୟାର ବଜାରରେ ଦୁର୍ବଳ ସଂକେତ ମଧ୍ୟରେ ଦେଶର ୧୦ ସବୁଠୁ ମୂଲ୍ୟବାନ କମ୍ପାନି ମଧ୍ୟରେ ୮ କମ୍ପାନିର ମିଳିତ ସମ୍ପତ୍ତି ଗତ ସପ୍ତାହରେ ୧,୦୩,୭୩୨.୩୯ କୋଟି ଟଙ୍କା କମି ଯାଇଛି । ଏଥିରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏବଂ ଆଇସିଆଇସିଆଇ ବ୍ୟାଙ୍କକୁ ସବୁଠୁ ଅଧିକ କ୍ଷତି ହୋଇଛି ।

ଗତ ସପ୍ତାହରେ ବିଏସଇର ୩୦ ସେୟାର ବିଶିଷ୍ଟ ସୂଚକାଙ୍କ ସେନସେକ୍ସରେ ୬୭୩.୮୪ ଅଙ୍କ ଅର୍ଥାତ୍ ୧.୧୨ବୁୂ ପ୍ରତଶିତ ହ୍ରାସ ଘଟିଥିଲା । ଭାରତୀ ଏୟାରଟେଲ୍ ଏବଂ ଆଇସିଟିକୁ ଛାଡି ଅନ୍ୟ ସବୁ ଆଠ କମ୍ପାନିର ବଜାର ମୂଲ୍ୟ ହ୍ରାସ ପାଇଛି ।

ଶୀର୍ଷ ୧୦ କମ୍ପାନି ମଧ୍ୟରୁ ରିଲାଏନ୍ସ ଇଣ୍ଡଷ୍ଟ୍ରିଜକୁ ସବୁଠୁ ଅଧିକ କ୍ଷତି ହୋଇଛି । ଏହାର ବଜାର ମୂଲ୍ୟ ୪୧,୮୭୮.୩୭ କୋଟି ଟଙ୍କା ହ୍ରାସ ୧୫,୭୧,୭୨୪.୨୬ କୋଟି ଟଙ୍କା ହୋଇଛି । ଆଇସିଆଇସିଆଇ ବ୍ୟାଙ୍କର ବଜାର ମୂଲ୍ୟ ୧୮,୧୩୪.୭୩ କୋଟି ଟଙ୍କା ହ୍ରାସ ହୋଇ ୫,୮୮,୩୭୯.୯୮ କୋଟି ଟଙ୍କା ହୋଇଛି । ସେହିପରି ଏଚଡିଏଫସି ବ୍ୟାଙ୍କ ବଜାର ମୂଲ୍ୟ ୧୫,୦୦୭.୩୮ କୋଟି କମି ୮,୮୬,୩୦୦.୨୦ କୋଟି ଟଙ୍କା ଏବଂ ଏସବିଆଇରେ ୧୨,୩୬୦.୫୯ କୋଟି ଟଙ୍କା ହ୍ରାସ ସହ ୪,୮୮.୩୯୯.୩୯ କୋଟି ହୋଇଛି ।

ଅନ୍ୟପଟେ ଭାରତୀ ଏୟାରଟେଲ ଲାଭରେ ରହିଥିଲା ଏବଂ ଏହାର ବଜାର ପୁଞ୍ଜି ୫,୦୭୧.୯୯ କୋଟି ଟଙ୍କା ବଢି ୪,୩୧,୨୩୦.୫୧ କୋଟି ଟଙ୍କା ହୋଇଛି । ଆଇଟିସିର ବଜାର ପୁଞ୍ଜିରେ ୪,୦୩୬.୨ କୋଟି ଟଙ୍କା ବଢି ୪,୮୧,୯୨୨.୩୩ କୋଟି ଟଙ୍କାରେ ପହଞ୍ଚିଛି । ଦେଶର ସବୁଠୁ ମୂଲ୍ୟବାନ କମ୍ପାନି ରୂପେ ରିଲାଏନ୍ସ ପ୍ରଥମ ସ୍ଥାନରେ ବଜାୟ ରହିଛି ।