ନୂଆଦିଲ୍ଲୀ: ଜର୍ମାନୀର ବର୍ଲିନରେ ଥିବା ବିଶାଳ ଆକ୍ୱାରିୟମ୍ ଭାଙ୍ଗି ଯାଇଛି । ଲକ୍ଷ ଲକ୍ଷ ଲିଟର ପାଣି ଥିବା ଆକ୍ୱାରିୟମରେ ୧,୫୦୦ରୁ ଅଧିକ ବିଦେଶୀ ଏବଂ ବିରଳ ପ୍ରଜାତିର ମାଛ ଅଛନ୍ତି । ବର୍ଲିନ ଏମର୍ଜେନ୍ସି ସର୍ଭିସେଜ୍ ଅନୁସାରେ ଶୁକ୍ରବାର ସକାଳେ ଏହି ଘଟଣା ଘଟିଛି । ଆକ୍ୱାରିୟମ ଫାଟିବା ଯୋଗୁଁ ରାସ୍ତାରେ ପ୍ରାୟ ଏକ ମିଲିୟନ ଲିଟର ପାଣି ଏବଂ ଭଗ୍ନାବଶେଷ ବ୍ୟାପିଛି । ଦୁର୍ଘଟଣା ପରେ ପ୍ରାୟ ୧୦୦ରୁ ଅଧିକ ଉଦ୍ଧାରକର୍ମୀ ଘଟଣାସ୍ଥଳରେ ପହଞ୍ଚିଛନ୍ତି । ଯେଉଁ ଡୋମଏକ୍ସେରୀ କମ୍ପ୍ଲେକ୍ସ ଆକ୍ୱାରିୟମ ରଖାଯାଇଥିଲା ସେହି ପରିସରରେ ରେଡିସନ ହୋଟେଲ ଏବଂ ଦୋକନା ସହ ଏକ ସଂଗ୍ରହାଳୟ ଥିଲା।
ଏହି ଲାଇଫ୍ ଆକ୍ୱାରିୟମକୁ ଆକ୍ୱାଡୋମ ନାଁରେ ସାରା ଦୁନିଆରେ ପରିଚିତ । ଏହାର ଉଚ୍ଚତା ୪୬ ଫୁଟ ଥିଲା । ଏହି ଆକ୍ୱାରିୟମର କାଚ ଫାଟିବା ଯୋଗୁଁ ଦୁଇ ଜଣ ଆହତ ହୋଇଥିଲେ । ଦୁର୍ଘଟଣା ପରେ ସେଠାରେ ଥିବା ହୋଟେଲ ପରିସରକୁ ପୋଲିସ ଖାଲି କରିଦେଇଥିଲା ।
ସି ଲାଇଫ୍ ନିଜ ୱେବସାଇଟରେ କହିଛି ଯେ ଏହି ଘଟଣା ଯୋଗୁଁ ପରିସରକୁ କିଛି ଦିନ ବନ୍ଦ ରଖାଯିବ । ଅଗ୍ନିଶମ ବାହାନୀ କିମ୍ୱା ପୋଲିସ ପ୍ରଶାସନ ମାଛଙ୍କ ବିଷୟରେ କୌଣସି ସୂଚନା ଦେଇପାରି ନାହାନ୍ତି। ତେବେ ପୋଲିସ ଟ୍ୱିଟ କରି କହିଛି ଏହା ଏକ ଅବିଶ୍ୱୟନୀସ କ୍ଷତି।
