AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହିପିଣ୍ଡା ସଂରକ୍ଷିତ ଜଙ୍ଗଲରେ ଦନ୍ତା ମୃତଦେହ ଠାବ, ହାତୀକୁ ମାରି ନେଇଗଲେ ଦାନ୍ତ
  • ||
  • MKCG ମେଡିକାଲ ମୁଖ୍ୟ ଫାଟକ ସମ୍ମୁଖରେ ଦୁର୍ଘଟଣା: ସ୍କୁଟି-କାର୍ ମୁହାଁମୁହିଁ ଧକ୍କା, ଦୁଇ ମୃତ
  • ||
  • ଭୁବନେଶ୍ୱର: ରାତିରେ ପାରଦ କମିବ ଓ ଶୀତ ବଢ଼ିବ, ଦିନରେ ସ୍ୱାଭାବିକଠାରୁ ଅଧିକ ରହିବ ତାପମାତ୍ରା
  • ||
  • ତୋଲକୋଇ: ଦନ୍ତା ଆକ୍ରମଣରେ ହାତୀଛୁଆର ମୃତ୍ୟୁ, ଜଙ୍ଗଲରେ ପଡିଛି ମୃତଦେହ
  • ||

ହିମାଚଳ ପ୍ରଦେଶରେ ପ୍ରବଳ ବର୍ଷା ଯୋଗୁଁ ଧସିଲା ପାହାଡ, ପୋତିହୋଇ ରହିଛନ୍ତି ଗୋଟିଏ ପରିବାରର ୭ ସଦସ୍ୟ

20/08/2022 at 10:32 AM

ମଣ୍ଡି ୨୦।୮: ହିମାଚଳ ପ୍ରଦେଶରେ ମଣ୍ଡି ଜିଲ୍ଲାରେ ଶୁକ୍ରବାର ବିଳମ୍ବିତ ରାତିରୁ ପ୍ରବଳ ବର୍ଷା ଜନଜୀବନ ଅସ୍ତବ୍ୟସ୍ତ ହୋଇପଡିଛି । ମଣ୍ଡି ଜିଲ୍ଲାର ଗୋହର ଉପ-ଡିଭିଜନ ପଞ୍ଚାୟତ କାଶନର ଜଣ୍ଡୋନ ଗାଁରେ ବିଳମ୍ବିତ ରାତିରେ ପାହାଡ ଧସିବା ଯୋଗୁଁ ଗୋଟିଏ ପରିବାରର ୭ ଜଣଙ୍କୁ ଏକ ପାହାଡ ତଳେ ପୋତି ହୋଇଯାଇଥିବା ଖବର ସାମ୍ନାକୁ ଆସିଛି । କାଶନ ପଞ୍ଚାୟତର ମୁଖ୍ୟ ଖେମ ସିଂହଙ୍କ ଘର ପଛପଟେ ଥିବା ପାହାଡରୁ ପଥର ଖସିବା ଯୋଗୁଁ ପରିବାରର ସମସ୍ତେ ପୋତି ହୋଇଯାଇଛନ୍ତି ।

ସୂଚନାଯୋଗ୍ୟ ଯେ, ଖେମ ସିଂହଙ୍କ ଦୁଇ ମହଲା ଘରେ ପରିବାରର ସମସ୍ତ ସଦସ୍ୟ ଶୋଇଥିବା ବେଳେ ଏଭଳି ଅଘଟଣ ଘଟିଛି ।ବିଳମ୍ବିତ ରାତିରୁ ମୂଷଳଧାରାରେ ଜାରି ରହିଥିବା ବର୍ଷା ଯୋଗୁଁ ପାହାଡ ଧସି ପରିବାରର ସମସ୍ତେ ପୋତି ହୋଇଯାଇଛନ୍ତି । ଏଥିଯୋଗୁଁ କାଶନ ଅଞ୍ଚଳରେ ଉତ୍ତେଜନାମୂଳକ ପରିସ୍ଥିତି ଦେଖାଦେଇଛି । ଖେମ ସିଂଙ୍କ ପରିବାରକୁ ବଞ୍ଚାଇବା ପାଇଁ ଗ୍ରାମବାସୀ ସମସ୍ତ ପ୍ରକାର ଉଦ୍ୟମ ଜାରି ରଖିଛନ୍ତି । ଖବର ଲେଖା ହେବା ପର୍ଯ୍ୟନ୍ତ ଉଦ୍ଧାରକାରୀ ଟିମ୍ ଘଟଣାସ୍ଥଳରେ ପହଞ୍ଚି ନଥିବା ଜଣାପଡିଛି ।

ଏହି ଉପମଣ୍ଡଳର ଡଜନେ ସ୍ଥାନରେ ଭୂସ୍ଖଳନ ହେବା ଯୋଗୁଁ ଅନେକ ରାସ୍ତା ବନ୍ଦ ହୋଇଯାଇଛି । ରାସ୍ତା ବନ୍ଦ ଯୋଗୁଁ ଗୋହର ପ୍ରଶାସନିକ ଅଧିକାରୀମାନେ ଫସି ରହିଛନ୍ତି । ଅନ୍ୟପଟେ ଜେସିବି ମେସିନ୍ ଦ୍ବାରା ରାସ୍ତା ଉପରୁ ପଥର ହଟାଇବାକୁ ଉଦ୍ୟମ ଚାଲିଛି । ଗୋହର ଏସଡିଏମ ରମନ ଶର୍ମା କହିଛନ୍ତି, ଉଦ୍ଧାରକାରୀ ଟିମ୍‌କୁ ଘଟଣାସ୍ଥଳରେ ପହଞ୍ଚିବାରେ ସମସ୍ୟା ହେଉଛି । ଟିମ୍ ସକାଳ ୪ଟାରୁ ହିଁ ଘଟଣାସ୍ଥଳ ଅଭିମୁଖେ ବାହାରିସାରିଛି, କିନ୍ତୁ ରାସ୍ତା ବନ୍ଦ ଥିବାରୁ ଘଟଣାସ୍ଥଳରେ ପହଞ୍ଚିବା କଷ୍ଟକର ହୋଇପଡିଛି । ପଥର ତଳେ ପୋତି ହୋଇଥିବା ଲୋକଙ୍କୁ ଉଦ୍ଧାର କରିବା ପାଇଁ ସମସ୍ତ ପ୍ରକାର ପ୍ରୟାସ କରାଯିବ । ପ୍ରବଳ ବର୍ଷା ଯୋଗୁଁ ଶନିବାର ମଣ୍ଡି ଜିଲ୍ଲାରେ ଛୁଟି ଘୋଷଣା କରାଯାଇଛି ।

   Related Posts