scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଉତ୍ତରାଖଣ୍ଡରେ ମର୍ମନ୍ତୁଦ ଦୁର୍ଘଟଣା; ରୁଦ୍ରପ୍ରୟାଗରେ ଭୂ-ସ୍ଖଳନ ଯୋଗୁ ୫ ଶ୍ରଦ୍ଧାଳୁ ମୃତ

12/08/2023 at 9:32 AM

Uttarakhand landslide

ନୂଆଦିଲ୍ଲୀ: ଉତ୍ତରାଖଣ୍ଡରେ ମର୍ମନ୍ତୁଦ ଦୁର୍ଘଟଣା। ରୁଦ୍ରପ୍ରୟାଗ ଜିଲ୍ଲାରେ ଭୂ-ସ୍ଖଳନ ଯୋଗୁ ୫ଜଣଙ୍କ ମୃତ୍ୟୁ ହୋଇଛି । ରୁଦ୍ରପ୍ରୟାଗର ଚୌକି ଫାଟା ଅନ୍ତର୍ଗତ ତରସାଲୀ ନିକଟରେ ଭୂସ୍ଖଳନ ହୋଇଛି । ପାହାଡ଼ର ଧ୍ବଂସାବଶେଷ ଏକ ତୀର୍ଥଯାତ୍ରୀ କାର୍ ଉପରେ ପଡ଼ିବା ଫଳରେ ୫ଜଣ ତୀର୍ଥଯାତ୍ରୀଙ୍କ ପ୍ରାଣ ହରାଇଛନ୍ତି । ମୃତକ ଶ୍ରଦ୍ଧାଳୁମାନେ ଗୁଜରାଟର । କେଦାରନାଥ ଯାଉଥିବା ବେଳେ ଗୁରୁବାର ସଂଧ୍ୟାରେ ଏହି ଘଟଣା ଘଟିଥିଲା ।  

ଅଧିକାରୀଙ୍କ ସୂଚନା ଅନୁଯାୟୀ,  ତାଲସାଲୀରେ ଭୂସ୍ଖଳନ ହେବା ଫଳରେ ଏକ ବିରାଟକାୟ ପଥର ଖଣ୍ଡ ପାହାଡ଼ରୁ ଖସି କାର୍ ଉପରେ ଚାପି ହୋଇଯାଇଥିଲା । ଏନେଇ ସୂଚନା ମିଳିବା ପରେ ରେସକ୍ୟୁ ଟିମ୍ ଘଟଣାସ୍ଥଳରେ ପହଞ୍ଚି ଧ୍ବଂସାବଶେଷ ତଳୁ କାରକୁ ବାହାର କରିଥିଲେ  । ଏହା ସହିତ ୫ ମୃତଦେହକୁ ଜବତ କରିଥିଲେ ।

ଏହି ଘଟଣାକୁ ନେଇ ଏବେ ଯାଞ୍ଚ ଜାରି ରହିଛି । ଜଣେ ଅଧିକାରୀ କହିଛନ୍ତି, ଭୂ-ସ୍ଖଳନ ଯୋଗୁ ଶୁକ୍ରବାର କେଦାରନାଥ ଧାମ ଏବଂ ଗୁପ୍ତକାଶୀ-ଗୌରୀକୁଣ୍ଡ ରାଜମାର୍ଗରେ ଯାତାୟତ ପ୍ରଭାବିତ ହୋଇଥିଲା । ପାହାଡ଼ରୁ ଧ୍ବଂସାବଶେଷ ଖସିବା ଯୋଗୁ ପ୍ରାୟ ୬୦ ମିଟର ରାସ୍ତା ନଷ୍ଟ ହୋଇଯାଇଛି । ପୋଲିସ ପ୍ରଶାସନ ପକ୍ଷରୁ ମରାମତି କାର୍ଯ୍ୟ ଜାରି ରହିଛି ।

ରୁଦ୍ରପ୍ରୟାଗ ସମେତ ରାଜ୍ୟ ଅଧିକାଂଶ ଜିଲ୍ଲାରେ କିଛି ଦିନ ହେଲା ବର୍ଷା ଜାରି ରହିଛନ୍ତି । ପାଣିପାଗ ବିଭାଗ, ଉତ୍ତରାଖଣ୍ଡର ଅଧିକାଂଶ ଜିଲ୍ଲାରେ ଅଗଷ୍ଟ ୧୧ ତାରିଖରୁ ୧୪ ତାରିଖ ପର୍ଯ୍ୟନ୍ତ ରେଡ୍ ଆଲର୍ଟ ଏବଂ ଅରେଞ୍ଜ ଆଲର୍ଟ ଜାରି କରିଛି ।

   Related Posts