ମାଲକାନଗିରି ୨୫।୧୧ : ଜଙ୍ଗଲରୁ ଲ୍ୟାଣ୍ଡମାଇନ୍ ଠାବ । ମାଲକାନଗିରି ସୀମାନ୍ତ ଛତିଶଗଡ଼ ସୁକୁମା ଜିଲ୍ଲାର ଚିନ୍ତଲନାର ଥାନା ଅନ୍ତର୍ଗତ ଜଙ୍ଗଲରୁ ଲ୍ୟାଣ୍ଡମାଇନ୍ ଠାବ ହୋଇଛି ।
ଖବର ଅନୁଯାୟୀ, ୨୦୬ କୋବ୍ରା ବାଟାଲିୟନର ଯବାନ ମାନେ ଏରିଆ ଡୋମିନେସନ ଲାଗି କୁମ୍ୱିଂ ଅପରେସନ କରୁଥିଲେ । ତୁମାଲପାଡ ଠାରେ ସ୍ଥାପନ ହୋଇଥିବା ନୂତନ ପୋଲିସ କ୍ୟାମ୍ପ ନିକଟସ୍ଥ ରାୟଗୁଡେମ ଯିବା ରାସ୍ତାରେ ମାଓବାଦୀ ମାନେ ଲ୍ୟାଣ୍ଡମାଇନ ଖଞ୍ଜି ଥିବା ବେଳେ ଏହାକୁ ଠାବ କରିଥିଲା ସନ୍ଧାନୀ କୁକୁର । ପରେ କୋବ୍ରା ବାଟାଲିୟନ ଯବାନମାନେ ଏହାକୁ ବିସ୍ଫୋରଣ କରିଥିଲେ । ତେବେ ଯଦି ଏହି ଲ୍ୟାଣ୍ଡମାଇନ୍ ଯବାନଙ୍କ ନିକଟରେ ବିସ୍ଫୋରଣ ହୋଇଥାଆନ୍ତା, ତେବେ ଭାରି କ୍ଷତି ହୋଇଥାଆନ୍ତା। ହେଲେ ସମୟ ପୁର୍ବରୁ ଏହାକୁ ଠାବ କରି ନିଷ୍କ୍ରିୟ କରିଛନ୍ତି ସୁରକ୍ଷା କର୍ମୀ।
