ଜଗତ୍ସିଂହପୁର, ୨୮/୦୬: ଜମିବାଡ଼ି ବିବାଦକୁ କେନ୍ଦ୍ର କରି ପୁତୁରାର କଟୁରୀ ଚୋଟରେ ଦାଦା ଏବଂ ଖୁଡ଼ି ଗୁରୁତର ହୋଇ ଜଗତସିଂହପୁର ଜିଲ୍ଲା ମୁଖ୍ୟ ସ୍ୱାସ୍ଥ୍ୟ କେନ୍ଦ୍ର ଓ ପରେ କଟକ ସ୍ଥାନାନ୍ତର ହୋଇଛନ୍ତି l ଏପରି ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ଏରସମା ଥାନା ଅନ୍ତର୍ଗତ କଦେଳିଵାରୀ ଗ୍ରାମରେ । ଜମିବାଡ଼ି ବିବାଦକୁ କେନ୍ଦ୍ର କରି ସାବିତ୍ରୀ ସ୍ୱାଇଁ ଓ ତାଙ୍କ ସ୍ୱମୀ ପୂର୍ଣ୍ଣଚନ୍ଦ୍ର ସ୍ୱାଇଁଙ୍କୁ ତାଙ୍କ ପୁତୁରା ବିଜୟ ସ୍ୱାଇଁ ଏକ କଟୁରୀ ସାହାଯ୍ୟରେ ମାରାଣତ୍ମକ ଆକ୍ରମଣ କରିଥିଲା । ଯାହା ଫଳରେ ସାବିତ୍ରୀ ଓ ତାଙ୍କ ସ୍ୱମୀ ଗୁରୁତର ହୋଇ ପଡ଼ିଥିଲେ l
ଘଟଣା ସ୍ଥଳରେ ସାବିତ୍ରୀଙ୍କ ସାନ ପୁଅ ପହଞ୍ଚି ବାପା ଏବଂ ମାଆଙ୍କୁ ଉଦ୍ଧାର କରି ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରକୁ ୧୦୮ ଆମ୍ବୁଲାନ୍ସ ଯୋଗେ ଆଣିଥିଲା । ସେଠାରେ ତାଙ୍କର ସ୍ୱାସ୍ଥ୍ୟ ଅବସ୍ଥାରେ ଉନ୍ନତି ନ ଆସିବାରୁ ତାଙ୍କୁ ଡାକ୍ତର କଟକ ବଡ଼ ମେଡିକାଲକୁ ସ୍ଥାନାନ୍ତର କରିଛନ୍ତି । ଏ ବାବଦରେ ଏରସମା ପୋଲିସ କୁ ଖବର ଦିଆ ଯାଇଥିଲେ ମଧ୍ୟ ପୋଲିସ ଘଟଣା ସ୍ଥଳରେ ପହଞ୍ଚି ନଥିବା ଅଭିଯୋଗ ହୋଇଛି ।
