oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଗୋଖାଦ୍ୟ ଦୁର୍ନୀତି : ଚାଇବାସା କୋଷାଗାର ମାମଲାରେ ଲାଲୁ ପ୍ରସାଦ ଯାଦବଙ୍କୁ ମିଳିଲା ଜାମିନ, କିନ୍ତୁ ବାହାରି ପାରିବେନି ଜେଲ୍‌ରୁ

9/10/2020 at 2:03 PM

ନୂଆଦିଲ୍ଲୀ ୯।୧୦: ଗୋଖାଦ୍ୟ ଦୁର୍ନୀତି ମାମଲାରେ ଜେଲରେ ଥିବା ଆରଜେଡି ସଭାପତି ଲାଲୁ ପ୍ରସାଦ ଯାଦବଙ୍କୁ ଜାମିନ ମିଳିଛି । ଚାଇବାସା କୋଷାଗାର ମାମଲାରେ ତାଙ୍କୁ ଜାମିନ ମିଳିଛି। ଝାଡଖଣ୍ଡ ହାଇକୋର୍ଟ ଲାଲୁ ପ୍ରସାଦ ଯାଦବଙ୍କୁ ଜାମିନ ପ୍ରଦାନ କରିଛନ୍ତି । ଏପର୍ଯ୍ୟନ୍ତ ଗୋଖାଦ୍ୟ ଦୁର୍ନୀତି ସହ ଜଡିତ ଦୁମକା କୋଷାଗାର ମାମଲାର ଶୁଣାଣି ଶେଷ ହୋଇନଥିବାରୁ ଲାଲୁ ଏବେ ଜେଲରୁ ବାହାରିବେ ନାହିଁ। ଲାଲୁ ପ୍ରସାଦ ଯାଦବଙ୍କ ଜାମିନ ଆବେଦନ ଉପରେ ଶୁକ୍ରବାର ଝାଡଖଣ୍ଡ ହାଇକୋର୍ଟରେ ଶୁଣାଣି ହୋଇଛି ।

ଗୋଖାଦ୍ୟ ଦୁର୍ନୀତି ସହ ଜଡିତ ଚାଇବାସା କୋଷାଗାର ମାମଲାରେ ଲାଲୁ ପ୍ରସାଦଙ୍କୁ ରାଞ୍ଚି ସିବିଆଇ କୋର୍ଟ ୫ ବର୍ଷ ଜେଲଦଣ୍ଡ ଶୁଣାଇଛନ୍ତି । ଲାଲୁ ତାଙ୍କ ଜାମିନ ଆବେଦନରେ କହିଥିଲେ, ସେ ଏହି ମାମଲାରେ ଅଧା ଦଣ୍ଡ ଭୋଗିସାରିଛନ୍ତି । ତେଣୁ ଏହି ଆଧାରରେ ତାଙ୍କୁ ଜାମିନ ମିଳିବା ଉଚିତ୍ ।

କୋର୍ଟ ସର୍ତ୍ତ ରଖିଛନ୍ତି ଯେ, ଲାଲୁ ପ୍ରସାଦ ଯାଦବଙ୍କୁ ୫୦ ହଜାର ଟଙ୍କାର ଦୁଇଟି ବ୍ୟକ୍ତିଗତ ମୁଚାଲିକା ସହ ୨ ଲକ୍ଷ ଟଙ୍କାର ଜରିମନା ଦେବାକୁ ପଡିବ । କୋର୍ଟ ଲାଲୁ ପ୍ରସାଦ ଯାଦବଙ୍କୁ ତାଙ୍କ ମେଡିକାଲ ରିପୋର୍ଟ ମଧ୍ୟ ଦାଖଲ କରିବାକୁ କହିଛନ୍ତି । ଏହାସହ କେତେ ଲୋକ ତାଙ୍କୁ ଭେଟିଛନ୍ତି ତାହାର ରିପୋର୍ଟ ମଧ୍ୟ ତାଙ୍କୁ ମଗାଯାଇଛି । ରିପୋର୍ଟ ଉପରେ ୬ ନଭେମ୍ବରରେ ଶୁଣାଣି ହେବ ।

ଗତ ଶୁଣାଣିରେ ସିବିଆଇ କହିଥିଲା ଯେ ଅଧା ଦଣ୍ଡ ପୂରଣ ହେବାକୁ ଆଉ ୨୬ଦିନ ବାକି ଅଛି । ଯାହା ପରେ ଅକ୍ଟୋବର ୯ ପର୍ଯ୍ୟନ୍ତ ମାମଲାର ଶୁଣାଣି ସ୍ଥଗିତ ରଖାଯାଇଥିଲା। ଆଜି ଏହି ମାମଲାର ଶୁଣାଣି କରାଯାଇ ଲାଲୁ ଯାଦବଙ୍କୁ ଚାଇବାସା ମାମଲାରେ ଜାମିନ ଦିଆଯାଇଛି।

   Related Posts