scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିବାହର ୬ମାସ ନପୂରୁଣୁ ଲାଲୁ ଯାଦବଙ୍କ ପୁଅ ତେଜପ୍ରତାପ ପତ୍ନୀ ଏଶ୍ବର୍ଯ୍ୟାଙ୍କ ସହ ବିବାହ ବିଚ୍ଛେଦ ପାଇଁ ଅଦାଲତରେ କଲେ ଆବେଦନ : ଜାଣନ୍ତୁ କାହିଁକି ?

3/11/2018 at 10:53 AM

ପାଟଣା ୩|୧୧:  ଭାଙ୍ଗିବାକୁ ବସିଛି ରାଜାଘର ବାହାଘର । ମାତ୍ର ୫ମାସ ତଳେ ଧୂମଧାମ୍ ଓ ରାଜକୀୟ ଶୈଳୀରେ ହୋଇଥିବା ବାହାଘର ଏବେ ଭାଙ୍ଗିଯିବାକୁ ବସିଛି । ରାଷ୍ଟ୍ରୀୟ ଜନତା ଦଳ ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ବଡପୁଅ ତେଜପ୍ରସାଦ ଯାଦବ ନବବିବାହିତା ପତ୍ନୀ ଏଶ୍ବର୍ଯ୍ୟାଙ୍କ ସହ ବିବାହ ବିଚ୍ଛେଦ ପାଇଁ ପାଟଣାର ଏକ ଦେଓ୍ବାନୀ ଅଦାଲତରେ ଆବେଦନ କରିଛନ୍ତି । ଚଳିତ ବର୍ଷ ମେ ୧୨ତାରିଖରେ ପୂର୍ବତନ ମୁଖ୍ୟମନ୍ତ୍ରୀ ଦରୋଗା ରାୟଙ୍କ ନାତୁଣୀ ଏଶ୍ବର୍ଯ୍ୟାଙ୍କ ସହ ତେଜପ୍ରତାପଙ୍କ ବିବାହ ହୋଇଥିଲା ।

ଛାଡପତ୍ର ଆବେଦନ କରିବା ପରେ ରାଞ୍ଚି ଜେଲରେ ଥିବା ପିତା ଲାଲୁ ପ୍ରସାଦ ଯାଦବଙ୍କୁ ଜଣାଇବା ଲାଗି ତେଜପ୍ରତାପ ରାଞ୍ଚି ଅବିମୁଖେ ବାହିରିଯାଇଥିଲେ । ଅନ୍ୟପକ୍ଷରେ ଏହି ଖବର ଶୁଣିବା ମାତ୍ରେ ନିଜ ବାପଘରେ ଥିବା ଏଶ୍ବର୍ଯ୍ୟା ରାବିଡି ନିବାସ ପହଞ୍ଚିଥିଲେ । ତେଜପ୍ରତାପଙ୍କ ଏଭଳି ପଦକ୍ଷେପକୁ ମା ରାବଡୀ ଦେବୀ ମଧ୍ୟ ସହଜରେ ଗ୍ରହଣ କରିପାରିନଥିଲେ ।

ଗତକାଲି ସନ୍ଧ୍ୟାରେ ରାବଡୀ ନିବାସର ମାହୋଲ ଅତ୍ୟନ୍ତ ସରଗରମ ରହିଥିଲା । ରାଞ୍ଚି ଅଭିମୁଖେ ଯାଉଥିବା ତେଜପ୍ରତାପଙ୍କୁ ଅଧା ରାସ୍ତାରୁ ଫେରାଇ ଅଣାଯାଇଥିଲା । ରାବଡୀ ନିବାସ ଉଭୟ ପରିବାରର ବରିଷ୍ଠ ସଦସ୍ୟମାନେ ବସି ଏହି ମାମଲାର ପାରିବାରିକ ସମାଧାନ ପାଇଁ ଉଦ୍ୟମ କରିଥିଲେ । ଆଲୋଚନା ବେଳେ ଉଭୟ ତେଜପ୍ରତାପ ଏବଂ ଏଶ୍ବର୍ଯ୍ୟା ମଧ୍ୟ ଉପସ୍ଥିତ ଥିଲେ । କିନ୍ତୁ ଏହି ଆଲୋଚନାରୁ କୌଣସି ବିଶେଷ ସୁଫଳ ମିଳିନାହିଁ ।

ସୂଚନାଯୋଗ୍ୟ ଯେ, ପୂର୍ବତନ ବିଧାୟକ ଚନ୍ଦ୍ରିକା ରାୟଙ୍କ କନ୍ୟା ଏଶ୍ବର୍ଯ୍ୟାଙ୍କୁ ବୋହୂ କରିବା ଲାଗି ତେଜପ୍ରତାପଙ୍କ ମାଆ ରାବଡୀ ଦେବୀ ପସନ୍ଦ କରିଥିଲେ । ଏଶ୍ବର୍ଯ୍ୟା ଦିଲ୍ଲୀରୁ ମ୍ୟାନେଜମେଣ୍ଟ କରିଛନ୍ତି ।

କିନ୍ତୁ ବିବାହର ଏତେ କମ୍ ଦିନ ଭିତରେ ଏମିତି କଣ ଘଟିଲା ଯେ, ତେଜପ୍ରତାପ ସିଧାସଳଖ ଛାଡପତ୍ର ଦେବା ପାଇଁ ନିଷ୍ପତ୍ତି ନେଲେ ତାହା ଏବେ ଚର୍ଚ୍ଚାର ବିଷୟ ହୋଇଛି । ଲାଲୁଙ୍କ ପରିବାର ସହ ସମ୍ପର୍କଥିବା ଜଣେ ରାଷ୍ଟ୍ରୀୟ ଜନତା ଦଳ ନେତାଙ୍କ ସୂତ୍ରରୁ ଜଣାପଡିଛି ଯେ, ସବୁବେଳେ ନିଜର ନିଆରା ଆନ୍ଦାଜ ପାଇଁ ଚର୍ଚ୍ଚାରେ ରହୁଥିବା ତେଜ ପ୍ରତାପଙ୍କ ରାଜନୈତିକ ମହତ୍ବକାଂକ୍ଷା ବଢିଯାଇଥିଲା । ଏହି ମହତ୍ବକାଂକ୍ଷା ପଛରେ ଏଶ୍ବର୍ଯ୍ୟାଙ୍କ ପ୍ରରୋଚନା ରହିଥିଲା । ତେବେ ରାଷ୍ଟ୍ରୀୟ ଜନତା ଦଳରେ ତେଜପ୍ରତାପଙ୍କ କଥା ନରହିବା ଏକ ପାରିବାରିକ ବିବାଦକୁ ଜନ୍ମ ଦେଇଥିଲା । ଯାହା ପରବର୍ତ୍ତୀ ସମୟରେ ତିକ୍ତ ହୋଇଥିଲା ଓ ପରିଣାମ ହେଉଛି ଏହି ଛାଡପତ୍ର ।

ସୂଚନାଯୋଗ୍ୟ ଯେ, ବିବାହର ଅଳ୍ପଦିନ ପରେ ଏଶ୍ବର୍ଯ୍ୟାଙ୍କୁ ରାଷ୍ଟ୍ରୀୟ ଜନତାଦଳର କିଛି ବୈଠକରେ ଦେଖିବାକୁ ମିଳିଥିଲା । ତେଣୁ ଏଶ୍ବର୍ଯ୍ୟା ପ୍ରତ୍ୟକ୍ଷ ରାଜନୀତିକୁ ଆସିବା ନେଇ ଚର୍ଚ୍ଚା ଜୋର ଧରିଥିଲା । କିନ୍ତୁ ଏଶ୍ବର୍ଯ୍ୟା ଏବେ ପ୍ରତ୍ୟକ୍ଷ ରାଜନୀତିକୁ ଆସିବେ ନାହିଁ ବୋଲି ପରିବାର ପକ୍ଷରୁ ସ୍ପଷ୍ଟ କରାଯାଇଥିଲା ।

ଅପରପକ୍ଷରେ ଆଉ ଏକ ସୂତ୍ର ଅନୁସାରେ ତେଜପ୍ରତାପ ଏବଂ ଏଶ୍ବର୍ଯ୍ୟାଙ୍କ ମଧ୍ୟରେ ବିବାହର ୧୫ଦିନ ପରଠୁ ହିଂ ସଂପର୍କ ଖରାପ ହେବା ଆରମ୍ଭ ହୋଇଥିଲା । ତେଜପ୍ରତାପ ଧୀରେ ଧୀରେ ଅଧିକ ଦର୍ମ କର୍ମ ଆଡକୁ ଢଳିବା ଏହି ମନୋମାଳିନ୍ୟର ଅନ୍ୟତମ କାରମ ବୋଲି କୁହାଯାଉଛି । ସୂଚନାଯୋଗ୍ୟ ଯେ, ଗତକାଲି ଛାଡପତ୍ର ଆବେଦନ ପରେ ତେଜପ୍ରତାପ ରାଞ୍ଚି ଯାଉଥିବାବେଳେ ତାଙ୍କୁ ବିଭିନ୍ନ ସ୍ଥାନରେ ସାମ୍ବାଦିକମାନେ ଘେରିଥିଲେ । ଏହି ଛାଡପତ୍ର ସଂପର୍କରେ ପ୍ରଶ୍ନ କରିଥିଲେ । ବିବାହ ବିଚ୍ଛେଦର ନିର୍ଦ୍ଧିଷ୍ଟ କାରଣ ସଂପର୍କରେ ତେଜପ୍ରତାପ କିଛି କହିନଥିଲେ । କେବଳ ଗୋଟିଏ ଧାଡି କହିଥିଲେ ଯେ, ‘ମୁଁ ଯେଉଁ ରାଦାକୁ ଖୋଜୁଛି ଏଶ୍ବର୍ଯ୍ୟା ସେ ରାଧା ନୁହେଁ ।’

ସୂଚନାଯୋଗ୍ୟ ଯେ ବିବାହ ବିଚ୍ଛେଦ ପାଇଁ ଆବେଦନ କରିବାର କିଛିଦିନ ଆଗରୁ ତେଜପ୍ରତାପ ମଥୁରା ଓ ବୃନ୍ଦାବନ ଗସ୍ତ କରିଥିଲେ । ବିବାହ ପରେ ମଧ୍ୟ ଏଶ୍ବର୍ଯ୍ୟାଙ୍କୁ ନେଇ ତେଜପ୍ରତାପ ହନିମୁନ ଯିବା ବଦଳରେ ଏକଲା ମଥୁରା ଓ ବୃନ୍ଦାବନ ଗସ୍ତରେ ଯାଇଥିଲେ । ଏଇ ଦଶହରା ସମୟରେ ମଧ୍ୟ ତେଜପ୍ରତାପ ଓ ଏଶ୍ବର୍ଯ୍ୟାଙ୍କୁ ଏକାଠି ଦେଖିବାକୁ ମିଳିଥିଲା । ଦୁହିଁଙ୍କୁ ଶେଷଥର ପାଇଁ ମେ ୨୩ ତାରିଖରେ ମୁମ୍ବାଇରେ ଦେଖିବାକୁ ମିଳିଥିଲା । ଲାଲୁ ପ୍ରସାଦ ଯାଦବଙ୍କ ସ୍ବାସ୍ଥ୍ୟ ଭଲ ନଥିବାରୁ ତାଙ୍କୁ ଏସିଆନ ହାର୍ଟ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ଏଶ୍ବର୍ଯ୍ୟାଙ୍କଠାରୁ ବିବାହ ବିଚ୍ଛେଦ ପାଇଁ ତେଜପ୍ରତାପ ଅଦାଲତରେ ଆବେଦନ କରିବା ଖବର ଜେଲରେ ଥିବା ଲାଲୁ ପ୍ରସାଦ ଯାଦବଙ୍କ ପାଖରେ ପହଞ୍ଚିସାରିଛି । ସେ ଏହାକୁ ନେଇ ଅସୁଖୀ ଓ ଅସନ୍ତୁଷ୍ଟ ଥିବା କୁହାଯାଇଛି । ସେହିଭଳି ଲାଲୁ ପ୍ରସାଦ ଯାଦବଙ୍କ ନିଜ ଗାଁ ଫଲଓ୍ବାରାରେ ଏହି ଖବର ପ୍ରଚାରିତ ହେବା ପରେ ସମଗ୍ର ଗ୍ରାମବାସୀ ଆଘାତ ପାଇଥିବା ଜଣାପଡିଛି । ତେଜପ୍ରତାପଙ୍କ ବରଯାତ୍ରୀରେ ସମଗ୍ର ଗ୍ରାମବାସୀ ସାମିଲ ହୋଇଥିଲେ ।

   Related Posts