oroinfra
maganna
EVOS_WebBanner_728X90
oroinfra
ChampionMaganna_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୋହନା: ଲଗାଣ ବର୍ଷାରେ ଭୁଶୁଡ଼ିଲା କାନ୍ଥ, ଅଳ୍ପକେ ବର୍ତ୍ତିଲେ ପରିବାରର ୪ ସଦସ୍ୟ
  • ||
  • କେନ୍ଦ୍ର ଉପରେ ବର୍ଷିଲେ ସତ୍ୟପାଲ ମଲିକ୍, କହିଲେ ମୁଁ ଏବେ ସ୍ୱାଧୀନ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୩ କୋଭିଡ୍ ପଜିଟିଭ୍
  • ||
  • ମୁମ୍ୱାଇ: ଜଣାଶୁଣା ଅଭିନେତା ଅରୁଣ ବାଲୀଙ୍କ ନିଧନ, ୭୯ ବର୍ଷ ବୟସରେ ପରଲୋକ
  • ||
  • ରାଜ୍ୟର ବିଭିନ୍ନ ସ୍ଥାନରେ ତୁହାକୁ ତୁହା ବର୍ଷା, ଆସୁଛି ଘୁର୍ଣ୍ଣିବଳୟ
  • ||
  • ଭଦ୍ରକ: ଧାମନଗର ଉପନିର୍ବାଚନ ପାଇଁ ଶୁକ୍ରବାରଠୁ ନାମାଙ୍କନ ଦାଖଲ, ୧୫ରେ ଯାଞ୍ଚ
  • ||
  • ଚାନ୍ଦବାଲୀ: ପଦ୍ମାବତୀ ଟ୍ରଲରରେ ଅଗ୍ନିକାଣ୍ଡ ଘଟଣା, ୧୦ ଘଣ୍ଟା ପରେ ଉଦ୍ଧାର ହେଲେ ୧୦ ଧୀବର
  • ||

ଟାଇଟଲ ଆଶା ମଉଳିଲା : ଡେନମାର୍କର ଭିକ୍ଟରଙ୍କଠୁ ହାରିଲେ ଭାରତର ବ୍ୟାଡମିଣ୍ଟନ୍ ଷ୍ଟାର୍ ଲକ୍ଷ୍ୟ

21/03/2022 at 9:37 AM

ବର୍ମିଂହାମ,୨୧/୦୩: ଭାରତର ଉଦୀୟମାନ ବ୍ୟାଡମିଣ୍ଟନ ତାରକା ଲକ୍ଷ୍ୟ ସେନ୍‌ଙ୍କ ଅଲ ଇଂଲଣ୍ଡ ସୁପର୧୦୦୦ ବ୍ୟାଡମିଣ୍ଟନ ଟାଇଟଲ ସ୍ୱପ୍ନ ମଉଳି ଯାଇଛି । ଜାଏଣ୍ଟ କିଲର ଭାବେ ପରିଚିତ ଟୁର୍ଣ୍ଣାମେଣ୍ଟରେ ଭାରତର ଲକ୍ଷ୍ୟ ସେନ ରବିବାର ଅନୁଷ୍ଠିତ ପୁରୁଷ ସିଙ୍ଗଲ୍ସ ଫାଇନାଲ୍‌ରେ ଟପ୍‌ ସିଡ୍‌ ଡେନ୍‌ମାର୍କର ଭିକ୍ଟର ଆକ୍ସେଲସେନଙ୍କ ଠାରୁ ପରାଜିତ ହୋଇଥିଲେ । ସପ୍ତାହେ ତଳେ ଅନୁଷ୍ଠିତ ଜର୍ମାନ ଓପନରେ ସେ ଆକ୍ସେଲସେନଙ୍କୁ ହରାଇଥିଲେ । ହେଲେ ବର୍ମିଂହାମ୍‌ରେ ତାଙ୍କୁ ଟକ୍କର ଦେଇ ପାରି ନଥିଲେ । ଆକ୍ସେଲସେନ୍‌ ଅତି ସହଜରେ ମ୍ୟାଚ୍‌ ଜିତିଥିଲେ । ସେ ସିଧା ସଳଖ ୨୧-୧୦, ୨୧-୧୭ ଗେମ୍‌ରେ ବିଜୟୀ ହୋଇ ଚାମ୍ପିଅନ୍‌ ଆଖ୍ୟା ଅର୍ଜନ କରିଥିଲେ ।

ଲକ୍ଷ୍ୟ ସେମି ଫାଇନାଲ୍‌ରେ ମାଲେସିଆର ଲି ଜି ଜିଆଙ୍କୁ ସେମି ଫାଇନାଲ୍‌ରେ ହରାଇବା ପରେ ଭାରତୀୟ ଶିବିରରେ ଆନନ୍ଦର ଲହରି ଖେଳିଯାଇଥିଲା । ୧ଘଣ୍ଟା ୧୬ ମିନିଟ୍‌ର କଡ଼ା ସଂଘର୍ଷ ପରେ ଲକ୍ଷ୍ୟ ଉକ୍ତ ମ୍ୟାଚ୍‌କୁ ୨୧-୧୩, ୧୨-୨୧, ୨୧-୧୯ ଗେମ୍‌ରେ ହରାଇଥିଲେ । ଲି ଥିଲେ ଡିଫେଣ୍ଡିଂ ଚାମ୍ପିଅନ୍‌ । ଭାରତର ପଞ୍ଚମ ଖେଳାଳି ଭାବେ ଲକ୍ଷ୍ୟ ଅଲ୍‌ ଇଂଲଣ୍ଡ ବ୍ୟାଡମିଣ୍ଟନ ଚାମ୍ପିଅନ୍‌ସିପ୍‌ର ଫାଇନାଲରେ ପ୍ରବେଶ କରିଥିଲେ । ପୂର୍ବରୁ ଆକ୍ସେଲସେନଙ୍କୁ ହରାଇଥିବାରୁ ତୃତୀୟ ଭାରତୀୟ ଭାବେ ଲକ୍ଷ୍ୟ ଟାଇଟଲ ଜିତିବା ଆଶା କରାଯାଉଥିଲା । ଲକ୍ଷ୍ୟଙ୍କ

ପୂର୍ବରୁ ୧୯୪୭ରେ ପ୍ରକାଶ ନାଥ ପ୍ରଥମ ଭାରତୀୟ ଭାବେ ଅଲ୍‌ ଇଂଲଣ୍ଡ ବ୍ୟାଡମିଣ୍ଟନ୍‌ ଫାଇନାଲ୍‌ରେ ପ୍ରବେଶ କରିଥିଲେ । ୧୯୮୦ରେ ପ୍ରଥମ ଭାରତୀୟ ଭାବେ ପ୍ରକାଶ ପାଦୁକୋନ ଅଲ୍‌ ଇଂଲଣ୍ଡ ଚାମ୍ପିଅନ୍‌ ଆଖ୍ୟା ଅର୍ଜନ କରିଥିଲେ । ସେହିପରି ୨୦୦୧ରେ ପୁଲେଲା ଗୋପିଚାନ୍ଦ ଅଲ୍‌ ଇଂଲଣ୍ଡ ଚାମ୍ପିଅନ୍‌ ହୋଇଥିଲେ । ୨୦୧୫ରେ ସାଇନା ନେହୱାଲ୍‌ ଫାଇନାଲରେ ପ୍ରବେଶ କରିଥିଲେ ହେଁ ଟାଇଟଲ ଜିତିପାରି ନଥିଲେ । ଲକ୍ଷ୍ୟ ଦୀର୍ଘ ୨୧ ବର୍ଷର ପ୍ରତୀକ୍ଷାର ଅନ୍ତ ଘଟାଇବା ଆଶା କରାଯାଉଥିଲା । ଆକ୍ସେଲସେନ ଗତ ଜର୍ମାନ ଓପନ ପରାଜୟର ପ୍ରତିଶୋଧ ଲକ୍ଷ ନେଇ କୋର୍ଟକୁ ଓହ୍ଲାଇଥିଲେ । ଗେମ୍‌ ଆରମ୍ଭରୁ ଶେଷ ପର୍ଯ୍ୟନ୍ତ ଆକ୍ସେଲସେନଙ୍କ ଆଧିପତ୍ୟ ଜାରି ରହିଥିଲା ।

   Related Posts