scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଲୈଲାଙ୍କୁ ‘ସେକ୍ସ ସ୍ଲେଭ’ କରି ବିଭିନ୍ନ ଦେଶରେ ବିକ୍ରି କରିଥିଲା ଆତଙ୍କବାଦୀ ସଂଗଠନ ଆଇଏସଆଇଏସ

23/10/2018 at 4:48 PM

ମୁମ୍ବାଇ ୨୩|୧୦: ଆତଙ୍କବାଦୀ ସଂଗଠନ ଆଇଏଆଇଏସ କବଳରୁ ଖସି ଆସିଥିବା ପୀଡିତା ୩୦ବର୍ଷୀୟ ଲୈଲା ତାଲୋ ଖୁଧେର ଅଲ୍ଲୀ ନିଜ ସହ ହୋଇଥିବା ଅତ୍ୟାଚାରର ହୃଦୟ ଥରା କାହାଣୀ ଶୁଣାଇଛନ୍ତି । ମୁମ୍ବାଇ ପ୍ରେସ୍ କ୍ଲବ୍ ରେ ଯେତେବେଳେ ସେ ନିଜର ଦୁଃଖ ଶୁଣାଇଥିଲେ ସେତେବେଳେ ସେଠାରେ ଉପସ୍ଥିତ ଥିବା କେତେକଙ୍କ ଆଖିରେ ଲୁହ ଆସିଯାଇଥିଲା । ଲୈଲାଙ୍କ ସହ ଆଇଏସଆଇଏସ ଦ୍ବାରା ଶିକାର ହୋଇଥିବା ଇଦରିଶ ବଶର ସାଇଲୋ ତହା ମଧ୍ୟ ଉପସ୍ଥିତ ଥିଲେ ।

ଲୈଲା କହିଛନ୍ତି ଯେ, ଆଇଏସଆଇଏସ ସଂଗଠନ ବିଭିନ୍ନ ଦେଶରେ ତାଙ୍କୁ ୯ଥର କିଣାବିକା କରିଥିଲେ । ଏପରିକି ତାଙ୍କୁ ଯୌନ ଶୋଷଣ ମଧ୍ୟ କରିଛନ୍ତି । ତାଙ୍କ ସ୍ବାମୀ ମଧ୍ୟ ଏବେ ଆଇଏସଆଇଏସ କବଳରେ ଥିବା ଲୈଲା କହିଛନ୍ତି । ସେ ଏବେ ଏକ ଶିବିରରେ କାହାର ସହଯୋଗ ବିନା ଜୀବନ କାଟୁଛନ୍ତି । ସଂଯୁକ୍ତ ରାଷ୍ଟ୍ର ସମେତ କେହି ମଧ୍ୟ ତାଙ୍କ ସହାୟତା ପାଇଁ ବାହାରି ନଥିବା ସେ କହିଛନ୍ତି ।

ଲୈଲା ଏହା ମଧ୍ୟ କହିଛନ୍ତି ଯେ, କେମିତି ଇଣ୍ଟରନେଟ୍ ଜରିଆରେ ମହିଳାମାନଙ୍କର କିଣାବିକା କରାଯାଉଥିଲା । ସେ କହିଥିଲେ ପ୍ରଥମେ ସେମାନଙ୍କର ସମସ୍ତ ତଥ୍ୟ ଇଣ୍ଟରନେଟ୍ ରେ ଅପଲୋଡ୍ କରାଯାଏ ।ଇଣ୍ଟରନେଟରୁ ଦେଖି କୌଣସି ବ୍ୟକ୍ତି ସେମାନଙ୍କୁ ବହୁତ କମ୍ ଦାମ୍ ରେ କିଣି ପାରିବେ ।

ସୂଚନା ଅସୁନାରେ ଲୈଲା ଇରାକର କୁର୍ଦିସ୍ତାନର ଏକ ଗାଁରେ ସ୍ବାମୀ ଏବଂ ଦୁଇ ପିଲାଙ୍କ ସହ ରହୁଥିଲେ । ସେହି ସମୟରେ ଆଇଏସଆଇଏସ ସଂଗଠନ ସେଠାରେ ଆକ୍ରମଣ କରିଥିଲା । ତାପରେ ତାଙ୍କ ସହ ତାଙ୍କ ପରି ଅନ୍ୟ କେତେକ ମହିଳାଙ୍କ ଜୀବନ ନର୍କ ହୋଇଗଲା ।

ଲୈଲା କହିଛନ୍ତି ଯେ, ୨ବର୍ଷ ୮ମାସ ୯ଦିନ ମଧ୍ୟରେ ତାଙ୍କୁ ସେକ୍ସ ସ୍ଲେଭ କରି ପାଖାପାଖି ୯ଥର ବିଭିନ୍ନ ଦେଶରେ ବିକ୍ରି କରାଯାଇଛି । ଏଥିରେ ଇରାକ୍, ବାଗଦାଦ ଏବଂ ସାଉଦିଆରବ ସାମିଲ ରହିଛି । ସେ କହିଛନ୍ତି ଯେ ତାଙ୍କ ପରି ଅନ୍ୟ ମହିଳାମାନେ ମଧ୍ୟ ଆଇଏସଆଇଏସ କବଳରେ ଏବେବି ଫସି ରହିଛନ୍ତି । ସେମାନଙ୍କ ଜୀବନ ନର୍କ ହୋଇସାରିଲାଣି ।

   Related Posts