ଉମରକୋଟ ୨|୬: ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ୍ ଚିତବେଡା ଗ୍ରାମ ନିକଟରେ ଏକ ଚିପ୍ସ ବୋଝେଇ ଟ୍ରାକ୍ଟରର ଟ୍ରଲି ଓଲଟି ପଡିବା ଫଳରେ ଜଣେ ଶ୍ରମିକଙ୍କ ମୃତ୍ୟୁ ହୋଇଛି । ମୃତ ଶ୍ରମିକ ଜଣଙ୍କ କରମରି ଗ୍ରାମର ଖେମରାଜ ଭତ୍ରା ।

{"id":118804}

ସୂଚନାଯୋଗ୍ୟ ଯେ, ଆଜି ସକାଳେ କରମରି ଗ୍ରାମର ଗୌରଚାନ୍ଦ ଭତ୍ରାଙ୍କ ଟ୍ରାକ୍ଟର ଚିପ୍ସ ଆଣିବା ପାଇଁ ଡାବୁଗାଁ ବ୍ଲକର ରାବନାଗୁଡା ଗ୍ରାମରେ ଯାଇଥିଲେ । ଚିପ୍ସ ଲୋଡ୍ କରି ଫେରୁଥିବା ବେଳେ ଚିତାବେଡା ଗ୍ରାମ ନିକଟରେ ଟ୍ରାକ୍ଟରଟି ଦ୍ରୁତ ଗତିରେ ଥିବା ଯୋଗୁଁ ଟ୍ରଲି ଓଲଟି ପଡିଥିଲା । ଫଳରେ ଟ୍ରଲିରେ ବସିଥିବା ଖେମରାଜ ଭତ୍ରା ନାମକ ଶ୍ରମିକଙ୍କର ଟ୍ରଲି ତଳେ ଚାପି ହୋଇ ମୃତ୍ୟୁ ହୋଇଥିଲା । ଘଟଣାସ୍ଥଳରେ ଝରିଗାଁ ପୋଲିସ ପହଞ୍ଚି ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ଝରିଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇଛି।