ଆଠଗଡ଼ ୨୯/୦୫: କଟକ ଜିଲ୍ଲା ତିଗିରିଆ ଅଗ୍ନିଶମ ବାହିନୀ ଦ୍ଵାରା ଗଭୀର କୂଅରୁ ଯୁବକକୁ ସୁରକ୍ଷିତ ଉଦ୍ଧାର । ସୂଚନା ଥାଉକି ଆଠଗଡ ତିଗିରିଆ ଥାନା ପୁରୁଣା ତିଗିରିଆ ଗ୍ରାମର ସରୋଜ ପ୍ରଧାନଙ୍କ ଭଣଜା ଉଦ୍ଧାର କରିବାକୁ ଡେଇଁପଡିଥିଲେ କୂଅକୁ । ସରୋଜଙ୍କ ବାରିପଟେ ଭଣଜା ଖେଳୁ ଖେଳୁ ଗଭୀର କୂଅରେ ଖସିପଡିଥିଲେ ।

ଏହା ଦେଖି ମାମୁଁ ସରୋଜ କୂଅକୁ ଡେଇଁ ପଡିଥିଲେ ଓ ଶିଶୁଟିକୁ ଉଦ୍ଧାର କରିଥିଲେ । କିନ୍ତୁ ଅନେକ ଚେଷ୍ଟା ପରେ ମଧ୍ୟ ନିଜେ କୂଅ ଭିତରୁ ବାହାରି ପାରିନଥିଲେ ସରୋଜ । ପରେ ପରିବାର ଲୋକେ ତିଗିରିଆ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ୩୫ ଫୁଟ ଗଭୀର କୂଅରୁ ଭିତରୁ ସରୋଜଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ l