ପୁରୀ ୨୬|୯: ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକ୍ କର୍ମଚାରୀଙ୍କ କଲମଛାଡ ଆନ୍ଦୋଳନ ଦ୍ବିତୀୟ ଦିନରେ ପହଞ୍ଚିଛି । କୃଷ୍ଣପ୍ରସାଦ ବିଡିଓଙ୍କୁ ବ୍ଲକ୍ ଅଧ୍ୟକ୍ଷଙ୍କ ସ୍ବାମୀ ଦୁର୍ବ୍ୟବହାର ପ୍ରସଙ୍ଗରେ ଆନ୍ଦୋଳନକୁ ଓହ୍ଲାଇଛନ୍ତି ବ୍ଲକ୍ କର୍ମଚାରୀ । ଗତ ୨୪ ତାରିଖ ଦିନ କୃଷ୍ଣପ୍ରସାଦ ବ୍ଲକ୍ ବିଡିଓଙ୍କୁ ବ୍ଲକ୍ ଅଧ୍ୟକ୍ଷ ସୌଦାମିନୀ ମାନସିଂଙ୍କ ସ୍ବାମୀ ସୁକାନ୍ତ ମାନସିଂ ଦୁର୍ବ୍ୟବହାର କରିଥିଲେ । ଏହାର ପ୍ରତିବାଦରେ କଲମଛାଡ ଆନ୍ଦୋଳନକୁ ଓହ୍ଲାଇଛନ୍ତି ବ୍ଲକ୍ କର୍ମଚାରୀ । ଫଳରେ ବ୍ଲକ୍ ଅଫିସରେ କାମ ବାଧାପ୍ରାପ୍ତ ହୋଇଛି । ସାଧାରଣଲୋକ ମଧ୍ୟ ବିଭିନ୍ନ କାମ ପାଇଁ ଆସି ଫେରୁଥିବା ଦେଖିବାକୁ ମିଳୁଛି ।